Jope 24:1-25
24 “Na cava se sega ni lokuca kina e dua na gauna o koya e Kaukaua Duadua?+
Na cava era sega kina ni raica nona siga* o ira na kilai koya?
2 Era tosoya na tamata na iyalayala ni vanua,+Era kauta yani na qelenimanumanu ina nodra vanua veico.
3 Era cemuria na nodra asa na gone sega ni vakatamani,Ra qai kovea na nona bulumakau tagane na yada me ivakadei ni dinau.+
4 Era biliga tani na dravudravua mai gaunisala,Mera vuni vei ira na vakaloloma e vuravura.+
5 Era vaqara kedra na dravudravua me vaka na asa kila+ ena vanua talasiga,Era vaqara na kedra na luvedra ena vanua dravuisiga.
6 Mera tatamusuki ena nona iteitei e dua tale*Ra qai tomitomi mai na nona loganivaini na daucaka ca.
7 Era moce luvawale ena bogi ni sega nodra isulu,+E sega na nodra iubi ni batabata.
8 Era suasua vakalevu ena uca mai na veiulunivanua,Era kabita na vatu ni sega na vanua ni vakaruru.
9 E kaliraki mai na sucu na gone e sega ni vakatamani,+Qai tauri na nodra isulu na dravudravua me ivakadei ni dinau,+
10 Era vakaukauataki mera lako luvawale voli ni sega na nodra isulu,Mera walokai tale ga nira kauta na ivesu covuata.
11 Era cakacaka tiko ga ena todra ni siga ena tadrua ni bai ni loganivaini,*Era butubutuka na ikeliniwaini, ia era karamaca tiko ga.+
12 Era vutugu mai na koro na vakarau ciba,Era kere veivuke na mavoa bibi,+Ia e sega ni okata na Kalou me tawadodonu.*
13 Eso era saqata na rarama,+Era sega ni kila na kena sala,Qai sega ni muria na kena gaunisala.
14 E duri na daulaba ni sa siga na vanua,E vakamatei ira na vakaloloma kei na dravudravua,+Qai dau butako ena bogi.
15 Sa waraka na matai koya na dau veibutakoci na karobo,+E kaya, ‘Ena sega ni dua e raici au!’+
Qai ubia na matana.
16 Ni buto era lai basu vale,*Ena siga era na sogoti ira e loma.
Era vulagi ena rarama.+
17 Ni sa tautauvata vei ira na butobuto loaloa kei na mataka,Era kila vinaka na vakadomobula ni butobuto loaloa.
18 Ia era kuitaki totolo ena wai.*
Ena cudruvi na nodra tikiniqele.+
Era na sega ni lesu tale ina nodra loganivaini.
19 Me vaka ga ni kauta laivi na ucacevata waicala na lauqa kei na katakata,Na iBulubulu* e kauti ira laivi na valavala ca!+
20 Ena guilecavi koya o tinana,* ena mumuci koya na ulo.
Ena sega ni nanumi tale.+
Ena musuki tale ga vaka na vunikau na ka tawadodonu.
21 E vakalolomataka na yalewa yava,Qai sega ni caka vinaka vua na yada.
22 Na Kalou ena kauti ira laivi na tamata qaqa ena nona kaukaua,Nira duri mai, e sega ni vakadeitaki vei ira na bula.
23 Ena vakatara na Kalou mera lomadei qai tikovinaka,+Ia na matana e vakaraica na ka kece era cakava.*+
24 Ena lekaleka ga nodra vakalevulevui, oti sa ra yali tale.+
Era na vakalolovirataki,+ qai kumuni vakataki ira na kena vo,Era na tamusuki me vaka na sola ni covuata.
25 O cei e rawa ni vakadinadinataka niu lasulasuSe vakacala na noqu vosa?”
iVakamacala e ra
^ Oya na nona siga ni veilewai.
^ Se rawa ni, “tamusuka na kedra na manumanu ena iteitei.”
^ Se rawa ni, “era lobaka na waiwai ena tadrua ni bai ni loganivaini.”
^ Se rawa ni, “na Kalou e sega ni beitaka e dua ena cala.”
^ Ipe., “kelikeli e loma.”
^ Ipe., “E sisi e delaniwai.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Ipe., “Na katonigone.”
^ Ipe., “ena nodra sala.”
