Jope 26:1-14
26 E sauma o Jope:
2 “Sa dua na ka na nomu vukea e dua e sega nona kaukaua!
Sa dua na ka na nomu vakabula na liga malumalumu!+
3 Dua na ka na ivakasala yaga o solia vei koya e sega ni vuku!+
O vakatakila vakarawarawa* na nomu vuku* e yaga dina!
4 O cei o via vosa tiko kina,O cei tale ga e uqeti iko mo tukuna na veika qori?*
5 Era sautaninini o ira e vakamalumalutaki ira o mate,Era lolovira mai na wai, kei ira na vakaitikotiko kina.
6 E luvawale na iBulubulu* ena mata ni Kalou,+Qai sega ni ubi na vanua ni rusa.
7 E tevuka yani na macawa mai na vualiku ena dela ni vanualala,+Qai vakaliliga wale tu na vuravura,
8 E ologa cake na wai ena nona o,+Mera kua ni kabasu na o ena kedra bi,
9 E latia na nona idabedabe vakaturaga me kua ni laurai,Ni tevuka yani e delana na nona o.+
10 E vakatakilakilataka na vunilagi* e dela ni wai,+E biuta na iyalayala ena maliwa ni rarama kei na butobuto.
11 Era yavavala na duru kei lomalagi,Ra qai kurabuitaka na nona veivunauci.
12 E yavalata na wasawasa ena nona kaukaua,+E vorolaka na manumanu levu ni wasawasa* ena nona vuku.+
13 E caramaka na macawa ena nona icegu,*Na ligana e coka na gata e veidroyaki* voli.
14 Raica! Qo e tiki lailai ga ni nona ivalavala,+Na ka e rogoci me baleti koya e vakasolokakana lailai sara!
Ia o cei e kila rawa na nona kurukuru vakadomobula?”+
iVakamacala e ra
^ Se “vakalevu.”
^ Se “vakasama vinaka.”
^ Ipe., “Na icegu (yalo) i cei o biuta mai qori?”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Ipe., “mokimokiti.”
^ Ipe., “Reapi.”
^ Se “cagi.”
^ Se “vakasisisi.”
