Jope 27:1-23
27 E tomana o Jope na nona vosa,* e kaya:
2 “Me vaka ni bula dina tiko na Kalou, e bureitaka vei au na lewadodonu,+Me vaka ni se bula tiko o koya e Kaukaua Duadua, e vakararawataki au,+
3 Ni se tiko ga vei au na noqu iceguQai tiko e ucuqu na igu ni bula e solia mai na Kalou,+
4 Na tebenigusuqu ena sega ni tukuna na ka tawadodonu,Se me veidabui na yamequ!
5 Au na sega ni kaya ni dou yalododonu!
Me yacova niu mate, au na sega ni soro* ena noqu yalodina!+
6 Au na taura matua na noqu yalododonu, qai sega vakadua ni laiva,+Ena sega ni beitaki* au na lomaqu ena gauna kece ni noqu bula.*
7 Me vaka mada ga na tamata ca na kequ meca,O ira na vakamavoataki au mera vaka na tawayalododonu.
8 Na cava na inuinui ni tamata e sega ni vakabauta na Kalou* ke sa vakarusai,+Ni sa kauta tani na Kalou na nona bula?
9 Ena rogoca na Kalou na nona tagiKe yaco vua na leqa?+
10 Se na marautaki koya e Kaukaua Duadua?
Ena kaci yani vua na Kalou ena gauna kece?
11 Au na vakavulica vei kemudou na kaukaua* ni Kalou,Au na sega ni vunitaka e dua na ka me baleti koya e Kaukaua Duadua.
12 Raica! Ke dou sa raivotu kece,Na cava e sa rui ka wale kina na nomudou vosa?
13 Qo na ka e wasea na Kalou vua na daucaka ca,+Na ivotavota era taura na voravora, mai vei koya e Kaukaua Duadua.
14 Ke levu na luvena, era na bale ena iseleiwau,+Qai sega ni veirauti na kedra kakana na nona kawa.
15 O ira na vo vua era na buluti ena mate rerevaki,Era na sega tale ga ni tagicaki ira na nodra yada.
16 Ke kumuna mada ga na siliva vaka na kuvuniqeleQai maroroya na isulu vinaka vaka na tete,
17 Ke binia mada ga o koya,Ena daramaka na yalododonu,+Qai wasea na nona siliva o koya e tawacala.
18 Na vale e tara e malumalumu vaka na wa silika ni kumakumare,Qai vaka na ivakaruru+ e tara na yadra.
19 Ena vutuniyau ni moce, ia ena sega ni kumuna e dua na ka,Ni dolava na matana, ena sega ni tu e kea e dua na ka.
20 Ena luvuci koya vakasauri na veika vakadomobula me vaka na waluvu,Ena kauti koya tani na draki ca ena bogi.+
21 Ena kauti koya tani na cagi tokalau, sa na yali kina,E taviraki koya mai na nona vanua.+
22 Ena bitalaki koya qai sega ni lomani koya+Ni saga tiko me drovaka na kena kaukaua.+
23 Ena vakasausau vua na liganaQai kaluvi koya+ mai na kena vanua.
iVakamacala e ra
^ Ipe., “vosa vakaibalebale.”
^ Se “au na sega ni biuta laivi, au na taura matua.”
^ Se “vakanini.”
^ Se “na noqu siga kece.”
^ Se “e vukitani.”
^ Se rawa ni, “na liga.”
