Jope 28:1-28
28 “E tiko na vanua e keli kina na silivaKei na vanua e vakasavasavataki kina na koula,+
2 E kau mai na qele na aironi,Qai vakawaicalataki* mai na vatu na kopa.+
3 E rawa na butobuto na tamata,E vakadidike ina iyalayala ni butobuto loaloa,Ni vaqara tiko na vatu e wakivata na vatutalei.*
4 E cakava na icurucuru me yawa mai na itikotiko,Ina vanua era guilecavi tu, e yawa mai na vanua e taubaletaki,Era lako sobu kina eso qai lili tu ena dali.
5 E tubu e dela i vuravura na kakana,Ia e yavalati na rukuna me vaka ga na bukawaqa.*
6 E tu ena veivatu na sefaia,Qai tu ena kuvu na koula.
7 E sega ni dua na manumanu co kena e kila na kena sala,E se sega ni raica na mata ni kaiti loaloa.
8 Se sega ni butuka e dua na manumanu vakatubuqoroqoro,E se sega ni vakayasava na luvenilaione.
9 Na tamata e samuta na vatu gagata ena ligana,E vukica na kedra yavu na veiulunivanua.
10 E taya na salaniwai+ ena veivatu,Qai raica na matana na ka talei kece.
11 E latia na ivurevure ni uciwaiQai kauta mai ina rarama na ka vuni.
12 Ia na vuku—ena kune i vei,+E vu tale ga mai vei na yalomatua?+
13 E sega ni bau liaca e dua na tamata na kena yaga,+E sega tale ga ni kune ena nodra vanua na bula.
14 E kaya na wasaliwa, ‘E sega ni tiko vei au!’
E kaya tale ga na waitui, ‘E sega vei au!’+
15 E sega ni voli rawa ena koula dina,Se me vakarautaki na bibi ni siliva me kena isau.+
16 E sega ni voli rawa ena koula mai Oferi+Se na vatu onikisa kunekunei dredre kei na sefaia.
17 E sega ni tautauvata kaya na koula kei na iloilo,Se me kena isau e dua na itawatawa e buli mai na koula savasava.+
18 E sega ni veiganiti me cavuti na lase kei na karisitala,+Ni saulevu sara na kato ni vuku mai na kato e sinai ena mataniciva.
19 Na topasa+ ni Kusi e sega sara ga ni tautauvata kaya,E sega mada ga ni voli rawa ena koula dina.
20 Ia e vu mai vei na vuku,E vu tale ga mai vei na yalomatua?+
21 E vunitaki mai na matadra na kabula kece+Qai tabonaki vei ira na manumanuvuka ni lomalagi.
22 E kaya o rusa kei mate,‘E rogoca wale ga na kena itukutuku na daliga i keirau.’
23 Na Kalou e kila na sala me kune kina,E kila duadua o koya na vanua e tiko kina,+
24 Ni dau rai yani o koya ina iyalayala kei vuravura,E raica tale ga na ka kece e ruku i lomalagi.+
25 Ni lewa o koya na kaukaua* ni cagi+Qai vakarautaka na wai,+
26 Ni cakava na lawa me baleta na uca+Kei na sala ni o loaloa e salavata mai na kurukuru,+
27 Sa qai raica o koya na vuku, mani vakamacalataka,E cakava qai vakatovolea.
28 E qai tukuna vua na tamata:
‘Raica! Na rerevaki Jiova—oya na vuku,+Kei na vakanadakui ni ca, na yalomatua.’”+
iVakamacala e ra
^ Ipe., “livi.”
^ Ipe., “vatu.”
^ Kena irairai qo e baleta na kelikeli.
^ Ipe., “bibi.”
