Jope 29:1-25
29 E tomana nona vosa* o Jope, e kaya:
2 “Keu se tiko mada ga ena veivula sa sivi,Ena veisiga se yadravi au tiko kina na Kalou,
3 Ni vakararamataka na uluqu ena nona cina,Niu a curubasikata na butobuto ena nona rarama,+
4 Ena gauna au* se tudonu kina,Ni se vakilai ena noqu valelaca na veitokani kei na Kalou,+
5 Ni se tu kei au o koya e Kaukaua Duadua,Nira se wavoliti au na luvequ,*
6 Ni se luvuca tu na weniyavaqu na uro ni sucu,Qai tasova mai na veivatu na waiwai drodro ena vukuqu.+
7 Niu dau lako yani ina matamatanikoro+Au qai lai dabe tu ena rara,+
8 Era na raici au na cauravou ra qai toso vakatikitiki,*O ira mada ga na kenaturaga era na tucake qai duri tu ga.+
9 Era sega ni vosa na turaga,Ra qai tabonaka na gusudra ena ligadra.
10 E vagalui na domodra na tagane rogo,Na yamedra sa kabita tu na dokanigusudra.
11 O koya ga e rogoci au ena vakacaucautaki au,Era na vakadinadina tale ga ena vukuqu o ira na raici au.
12 Niu dau vukea na dravudravua e tagi ni kere veivuke,+Na gone sega ni vakatamani kei koya e sega ni dua me vukei koya.+
13 Ena vosa vakalougatataki au o koya e vakarau takali,+Au qai vakamarautaka vakalevu na lomana na yada.+
14 Au daramaka na yalododonu me vaka na noqu isulu,Noqu lewadodonu sa vaka na isulu balavu* kei na ivauniulu.
15 Au matadra na matabokoAu yavadra tale ga na lokiloki.
16 Au tamadra na dravudravua,+Au dau vaqaqa tale ga nodra kisi o ira au sega ni kila.+
17 Au dau vorolaka na suinigalegalena na dau cakacala+Qai dreta mai batina na kena.
18 Au dau kaya, ‘Au na mate ga ena noqu vale,*+Ena qai levu me vaka na mataninuku na noqu siga.
19 Ena tete yani i wai na wakaqu,Ena qai lutumi tegu tu ga na tabaqu ena bogi taucoko.
20 E vakavoutaki tiko ga na kequ lagilagi,Ena qai vanavana tiko ga na dakaititi au taura voli.’
21 Era dau vakarorogo ena nanamaki na tamata,Era waraka galugalu tiko na noqu ivakasala.+
22 Niu vosa oti, e sega ni dua tale na ka mera tukuna,E lutu vakamalua* i daligadra na noqu vosa.
23 Era waraki au me vaka nodra waraka na uca,E dalaga na gusudra me vaka ni waraki na uca ena vulaitubutubu.+
24 Niu matadredredre yani vei ira, era sega sara ga ni vakabauta,E dau vakacegui ira na serau ni mataqu.*
25 Au dau dusimaki ira, me vaka niu nodra iliuliu,Au bula tale ga me vaka na tui vei ira na nona mataivalu,+Me vaka e dua e dau vakacegui ira na lolosi.+
iVakamacala e ra
^ Ipe., “vosa vakaibalebale.”
^ Ipe., “Ena veisiga niu.”
^ Se “dauveiqaravi.”
^ Ipe., “vunitaki ira.”
^ Se “isulu balavu tabaleka.”
^ Ipe., “ena noqu sova.”
^ Ipe., “ena turu.”
^ Se rawa ni, “Era sega ni vakabutotaka na cina ni mataqu.”
