Jope 30:1-31
30 “Qo era dredrevaki au+—Na tagane era gone sara vei au,Na tamadra au sega ni dau vakadonuyaMera biu vata kei na koli era yadrava noqu qelenimanumanu.
2 E yaga vakacava vei au na kaukaua ni ligadra?
Sa yali na nodra igu.
3 Era dadaga ena vuku ni leqa kei na viakana,Era baribari voli ena qele kakacaSa vakacacani rawa tu qai lala.
4 Era soqona na draunikau tuituina mai na veikau lalai,E kedra kakana na waka ni nokonoko.
5 Era cemuri mai na itikotiko,+Era kailavaki me vaka na daubutako.
6 Era vakaitikotiko ena baba ni veivanua qakilo,*Ena veiqara e loma ni qele kei na veivatu.
7 Era tagi mai na veikau lalai,Era na lokini vata ena veisalato.
8 Nira vaka na luvedra na yalowai kei ira na sega ni vakayacani,Era sa cemuri* mai na vanua.
9 Ia era vakalialiai au mada ga ena nodra sere,+Era sa beci* au.+
10 Era sevaki au qai yawaki au,+Era sega ni tu vakasuka ni kasivita na mataqu.+
11 Ni sa kauta laivi noqu iyaragi* na Kalou qai vakamalumalumutaki au,Era sega ni tarovi ira rawa* niu tiko.
12 Ena ligaqu imatau era tucake me vaka na ilala dauvakacaca,Era vakavuna meu droQai biuta na ilati ni veivakarusai ena noqu sala.
13 Era basuraka na noqu salaQai kuria ga na noqu leqa,+E sega ni dua me tarovi ira.*
14 Era toso mai me vaka era botea mai na lalaga,Era qiqi mai ni yaco tiko na vakacaca.
15 Au veilecayaki niu domobula,E cemuri vaka na cagi na kequ lagilagi,Qai seavu vaka na o na noqu vakabulai.
16 Sa seavu tiko yani noqu bula,+Sa tarai au na veisiga ni rarawa.+
17 E tarasui* na noqu vutu ena bogi,+E sega ni ruru rawa na kaukaua ni mosi.+
18 Ena kaukaua ni kequ mate, e veisau na noqu isulu,E kidomoki au vaka na kola ni noqu isulu.
19 E kolotaki au sobu ina qele na Kalou,Au vuki meu kuvuniqele kei na dravusa.
20 Au tagi yani ni kere veivuke, oni sega ga ni rogoci au,+Niu tucake, oni wanonovi au ga mai.
21 Oni sa veisau moni vakalolomataki au,+Oni vorati au ena kaukaua taucoko ni ligamuni.
22 Oni laveti au cake oni qai kauti au ina cagi,Oni qai cocowiriwiritaki au ena cava.
23 Niu kila ni oni na kauti au lesu vei mate,Ina vale era na sota kece kina na bula.
24 E sega ni dua e dau ravuta na tamata sa ramusu*+Ni tagi me kere veivuke ena gauna ni leqa tubukoso.
25 Vakacava au sega ni tagicaki ira e dredre nodra bula?
Au sega ni lolositaka na dravudravua?+
26 Au nuitaka voli na ka vinaka, ia e lako mai na ca,Au namaka voli na rarama, ia e lako mai na butobuto.
27 E sega ni cegu na vusolo ni lomaqu,Sa yacovi au na veisiga ni rarawa.
28 Au taubale voli ena rarawa,+ e sega na rarama ni siga.
Au tucake ena isoqosoqo, au tagi ni kere veivuke.
29 Au sa tacidra na jakoliQai nodra itokani na luvedra yalewa na ositereji.+
30 Sa loaloa na kuliniyagoqu qai takuli,+Qai kama na suiqu mai na katakata.
31 E vakayagataki ga noqu api ena vakaloloku,Kei na noqu bitunivakatagi me rorogo ni tagi.
iVakamacala e ra
^ Se “waimaca.”
^ Ipe., “kuita.”
^ Ipe., “vosa vakaibalebale, ivosavosa.”
^ Ipe., “sereka na noqu wanigasau.”
^ Se “Era viritaka laivi na varaele.”
^ Se rawa ni, “Sega ni dua me vukei ira.”
^ Ipe., “qiva na suiqu.”
^ Ipe., “ibinibini irusarusa.”
