Jope 32:1-22
32 Eratou sa qai cegu na vosa vei Jope na le tolu qo, ni a vakadonuya ga nona yalododonu.*+
2 Ia a cudru vakalevu o Ilaiu na luvei Parakeli na kawa i Pusa+ mai na mataqali i Rami. A waqa nona cudru vei Jope ni via vakadonui koya ga, sega ni vakadonuya na Kalou.+
3 E katakatataki ratou tale ga na tolu na itokani i Jope ni ratou sega ni kila na ka me ratou tukuna, eratou tukuna ga ni ca na Kalou.+
4 A waraka voli o Ilaiu me vosa vei Jope, ni ratou qase vua.+
5 Ni raica o Ilaiu ni sega ni dua na ka eratou sauma rawa na le tolu, sa qai tuburi koya na cudru.
6 E qai sauma o Ilaiu na luvei Parakeli na kawa i Pusa, e kaya:
“Au gone ga*Dou qai kenaturaga.+
Au mani galu ga ena veidokai,+Au sega tale ga ni via tukuna vei kemudou na ka au kila.
7 Au nanuma, ‘Mera vosa mada na qase,*Mera vakatakila tale ga na vuku o ira e dede nodra bula.’
8 Ia na yalo tabu e solia na Kalou vei ira na tamata,Kei na icegu i koya e Kaukaua Duadua e vakayalomatuataki ira.+
9 Na nona vuku e dua e sega ni vakatau ga ena yabaki,*Era sega ni kila duadua ga na qase na ka dodonu.+
10 Au mani kaya, ‘Vakarorogo vei au,Au na qai tukuna yani na ka au kila.’
11 Raica! Au a waraka voli na nomudou vosa,Au a vakarogoca na nomudou ivakamacala+Ni dou vaqara na ka mo dou kaya.+
12 Au a vakatudaliga vei kemudou,Ia e sega ni dua e vakacalai Jope*Se me sauma nona vosa.
13 Kua gona ni kaya, ‘Keitou sa kunea na vuku,E vunauci koya na Kalou, sega ni dua na tamata.’
14 A sega ni vosataki au vakadodonu o koya,Au na sega gona ni tukuna vua na nomudou ile.
15 Eratou sa vakadrukai, eratou sega ni vosa tale,Sa sega na ka me ratou kaya.
16 Au wawa tiko, ia eratou galu voli ga,Eratou duri tu ga e kea, sega na veivosaki.
17 Ia o yau tale ga au na vosa,Au na tukuna tale ga na ka au kila,
18 Niu sa sinai ena vosa,E uqeti au na yalo tabu.
19 Sa vaka na waini e sega na kena icegucegu na lomaqu,E vaka na taganiwaini vou sa voleka ni kabote.+
20 Meu vosa mada meu cegu kina!
Au na dolava na tebenigusuqu meu vosa.
21 Au na sega ni tovaka e dua,+Au na sega ni cavilaka e dua,
22 Niu sega sara ga ni kila na veicavilaki,Keu kila, ena totolo ga ni kauti au laivi na noqu Dauveibuli.
iVakamacala e ra
^ Se “ni yalododonu ga e matana.”
^ Ipe., “lailai noqu siga.”
^ Ipe., “veisiga.”
^ Se “Sega ni vakatau ga ena levu ni siga na.”
^ Se “e vakadodonutaki Jope.”
