Jope 35:1-16
35 E vosa tiko ga o Ilaiu ni kaya:
2 “O vakadeitaka ni o donu mo tukuna kina,‘Au yalododonu cake vua na Kalou’?+
3 Ni o kaya, ‘Na cava na kena yaga vei iko?*
Vakaevei, au sa vinaka qo, se na gauna au valavala ca kina?’+
4 Au na sauma mada vei ikoKei ratou na nomu itokani+ eratou tiko kei iko.
5 Tacake i lomalagi mo raica,Raica na o+ ni cecere cake vei iko.
6 Ke o valavala ca, o na vakamavoataki koya vakacava?+
Ke vakalevutaki nomu cala, na cava o na cakava vua?+
7 Ke o yalododonu, na cava o na solia vua,Na cava ena rawata mai vei iko o koya?+
8 Na nomu caka ca ena vakila ga na tamata vakataki iko,Na nomu yalododonu ena vakila tale ga na luve ni tamata.
9 Era tagi na tamata nira vakalolomataki,Era tagi mera sereki mai na nodra lewa* na qaqa.+
10 Ia se sega ni dua e kaya, ‘I vei na Kalou, na noqu Dauveibuli Uasivi,+O koya e vakavuna me lagati na sere ena bogi?’+
11 E levu sara na ka e vakavulici keda kina,+ lailai o ira na manumanu kei vuravura,+Qai vakavukui keda cake vei ira na manumanuvuka kei lomalagi.
12 Era tagi na tamata, ia e sega ni rogo o koya,+Nira dokadoka na daucaka ca.+
13 E sega ni rogoca na Kalou na tagi tawayaga,*+E sega ni kauai kina o koya e Kaukaua Duadua.
14 Ena sega sara ni kauai ke o tukuna ni o sega ni raici koya!+
Sa tu e matana na nomu kisi ni veilewai, mo waraki koya ena vosota.+
15 Ni se sega ni vakatauitotogi o koya ena nona cudru,Qai sega ni kauaitaka na ka e caka tu ga vakariri.+
16 Sa bau maumau dina na nona dalaga o Jope,E levu wale ga nona vosa ni tauca tu ena lecaika.”+
