Jope 36:1-33
-
Vaqoroqoroya o Ilaiu na cecere ni Kalou e sega ni dikevi rawa (1-33)
36 E tomana o Ilaiu:
2 “Vosoti au mada vakalailai niu se vakamacala,Ni se tiko na vosa meu tukuna ena vuku ni Kalou.
3 Au na sereka vei iko na ka au kila,Au na tukuna ni yalododonu o koya e buli au.+
4 Ni sega sara ga ni lasu na noqu vosa,E tu qo e matamu o koya e uasivi nona kila.+
5 E kaukaua dina na Kalou,+ qai sega ni cata e dua,E titobu sara na nona vuku,*
6 Ena sega ni vakabulai ira na daucaka ca,+Ia e lewadodonu vei ira na rarawa tu.+
7 Ena vakaraici koya tiko ga na yalododonu,+E lesia vei ira na tui,+ era na qai vakacerecerei me tawamudu.
8 Ke ra vesu ena iqamuQai tobo ena dali ni rarawa,
9 E vakaraitaka vei ira na ka era sa cakava,Na nodra cala nira viavialevu.
10 E dolava na daligadra mera vakadodonutakiQai tukuna vei ira mera kua ni cakaca.+
11 Ke ra talairawarawa ra qai qaravi koya,Era na vakacavara na nodra siga ena rawaka,Qai totoka na nodra veiyabaki.+
12 Ke ra talaidredre, era na mate ena iseleiwau*+Qai mate ena lecaika.
13 Era na dau katona na ca o ira na sega ni vakabauta na Kalou* e lomadra.
Era na sega mada ga ni tagi ni kere veivuke ni sa vesuki ira o koya.
14 Era mate gone,+Nira vakayagataka* nodra bula kei ira na tagane saqamua ni valenisoro.+
15 Na Kalou ga e vakabulai ira na vakaloloma mai na nodra rarawa,E dolava na daligadra nira vakasaurarataki.
16 Ena kauti iko laivi mai na vanua ni rarawa+Ina vanua rabailevu, e vakacirigalala,+Kei na kakana uro ena nomu teveli me vakacegui iko.+
17 O na lomavakacegu ni sa tau na lewa vua na daucaka ca,+Ni sa tau na lewa qai tokoni na lewadodonu.
18 Qarauna sara me kua ni tini ena veicati na nomu cudruwaqawaqa mo veibeci kina,*+Me kua tale ga ni vakacalai iko na veivaqumi levu.
19 Vakacava, nomu tagi ni kere veivukeSe nomu sasaga kaukaua, ena tarovi iko mai na leqa?+
20 Kua ni diva na bogi,Nira yali mai nodra vanua na tamata.
21 Qarauna mo kua ni goleva na cakacala,Ni o digitaka tiko qo mai na rarawa.+
22 Raica! E vakacerecerei na Kalou ena nona kaukaua,Na dauveivakavulici cava e vakataki koya?
23 O cei e dusia* na nona sala+Se kaya vua, ‘E cala na ka o cakava’?+
24 Nanuma mo vakacerecerea na nona cakacaka,+Era seretaka na tamata.+
25 Era sa raica na kawatamata kece,Na tamata e vakararai tiko ga mai vakayawa.
26 Io, na Kalou sa rui cecere mai na ka eda na kila rawa,+Na iwiliwili ni nona yabaki e sega ni katumi rawa.*+
27 E vakalesuya i cake na wai,+E vuki na kabu me uca,
28 Mani vakatauca mai na o,+E tau vei ira na kawatamata.
29 Vakacava e dua e kila na tete ni o,Na vadugu ni kurukuru mai na nona valelaca?*+
30 Raica mada nona tibika e delana na nona liva*+Qai ubia na boto ni sauloa.*
31 Ni ka qo e vakabulai* ira tiko kina na veimatatamata,E solia vakalevu vei ira na kakana.+
32 E tabonaka na liva e ligana,Qai tala yani ina vanua e taketetaka.+
33 E tukuni koya na nona kurukuru,Na qelenimanumanu mada ga era tukuna se o cei* e lako tiko mai.
iVakamacala e ra
^ Ipe., “uto.”
^ Se “iyaragi (iyaragi dau vukataki).”
^ Se “o ira na vukitani.”
^ Se rawa ni, “Vakaotia.”
^ Se “vakasausau ni veibeci se veivakalialiai.”
^ Se rawa ni, “vakadiloya, beitaki koya.”
^ Se “sega ni kunei rawa.”
^ Ipe., “valetabanikau.”
^ Ipe., “rarama.”
^ Ipe., “wakana.”
^ Se rawa ni, “totaki.”
^ Se rawa ni, “cava.”
