Jope 39:1-30
39 “O kila nodra gauna ni vakasucu na me ni ulunivanua?+
O sa bau raica na dia me vakasucuma mai na luvena?+
2 O wilika rawa na levu ni vula mera na otiva?
O kila na gauna era vakasucu kina?
3 Era noqo sobu nira vakasucuma mai na luvedra,Qai oti kina nodra mosi.
4 Era kaukaua mai na luvedra, era tubu ena lomanivanua,Era lako yani, qai sega tale ni lesu vei ira.
5 O cei e sereka na asa kila me lako,+O cei tale ga e sereka na dali ni asa kila?
6 Au sa cakava me nona vale na buca dravuisigaKei na vanua masima me nona itikotiko.
7 E cata na maue ena koro,E sega ni rogoca na kaila i koya e vakacakacakataka tiko na manumanu.
8 E wavokita na veiulunivanua me vaqara co,E vaqara na kau drokadroka kece.
9 Ena via qaravi iko na bulumakau tagane kila?+
Ena tiko e nomu valenimanumanu* ena bogi?
10 O na taurivaka na dali me muria kina na wenisiviyara na bulumakau tagane kila,Se na muri iko me siviyarataka* na buca?
11 O na nuitaka na kena kaukaua levuQai biuta me cakava na nomu cakacaka bibi?
12 O na vakararavi kina me kauta lesu mai na ka o tamusuka,*Qai kumuna ena nomu rara ni butu covuata?
13 E cakurobaroba na taba ni ositereji ena marau,Vakaevei, e tautauvata kei na sitoki+ na lawena kei na vutina?
14 Ni biuta nona yaloka ina qele,Qai vakatakatataka ena kuvuniqele.
15 E guilecava ni rawa ni butuvoroki ira e dua na yavaSe buturaki ira na manumanu kila.
16 E vakalolomataki ira na luvena, vaka ga era sega ni nona,+E sega ni rerevaka de na ka wale nona cakacaka.
17 Ni kauta tani mai vua* na vuku na KalouQai sega sara ga ni solia vua na yalomatua.
18 Ia ni duri cake qai vakacakurobaroba na tabana,E dredrevaka na ose kei koya e vodoka tiko.
19 O solia na kaukaua vua na ose?+
O vakaisulutaka na domona ena tobe kurekure?
20 O rawa ni cakava me lade vaka na vodre?
E vakadomobula na rorogo ni nona suru.+
21 E teke ena buca qai reki ena qaqa,+E gutuwa yani ina ivalu.*+
22 E dredrevaka na rere, qai sega ni rerevaka e dua na ka,+
E sega ni lesu ena vuku ni iseleiwau.
23 E yavavala e yasana na taga ni gasau,Qai taliva na moto kei na moto mamada.
24 Vaka ga e tiloma na qele ni gutuwa mai ena marau,E sega ni rawa ni duri vakadua* ena domo ni davui.*
25 Ni uvuci na davui e tabalaka na tagi.
E boica na ivalu ni se yawa tu maiQai rogoca na nodra maue na komada kei na kailavaki ni ivalu.+
26 Sa vuka cake na ganivatu ena nomu kila,E tevuka yani na tabana ina ceva?
27 Se e vuka cake na ikeli ena nomu ivakaro+Qai tara na nona sova e cake sara,+
28 E tiko ga ena barinivatu ena bogi,E vakaitikotiko ena idrodro e veivatuvatu?*
29 E vaqara mai kea na kena,+E raiyawa mai kea na matana.
30 Era gunu dra na luvena,Na vanua era tiko kina na vakamatei, e tiko tale ga kina.”+
iVakamacala e ra
^ Se “vanua ni vakana manumanu.”
^ Se “yaro.”
^ Ipe., “sorenikau.”
^ Ipe., “cakava me guilecava.”
^ Ipe., “e lako yani me tavaka na iyaragi.”
^ Se rawa ni, “Sega ni vakabauta.”
^ Ipe., “ileu ni tamanisipi.”
^ Ipe., “ena batinivatu.”
