Jope 4:1-21
4 E qai sauma o Elifasi+ na kai Temani ni kaya:
2 “Ke dua e saga me vosa vei iko, o na yalototolo?
O cei ena rawa ni tarova me kua ni vosa?
3 E dina ni o sa vakadodonutaka e levu,O dau vakaukauataki ira tale ga na liga malumalumu.
4 E dau vakaduri koya e tarabe na nomu vosa,O dau vakaukauataki ira sa ninini na durudra.
5 Ia qo ni sa yacovi iko, o sa sega ni taqea rawa,*E tarai iko, o qai yalolailai sara ga.
6 E vakanuideitaki iko nomu doka na Kalou?
E solia vei iko na inuinui na nomu ivakarau ni yalodina?+
7 Vakasamataka mada: Sa bau takali vakadua o koya e sega nona cala?
Bau dua na gauna e vakarusai kina na yalododonu?
8 Au sa raica ni o ira na siviyarataka* na ka mosimosiKei ira na kaburaka na leqa era na tamusuka vata ga oya.
9 Era vakarusai ena icegu ni Kalou,Era sa yacova na kedra itinitini ni kacabote mai na nona cudru.
10 E tagi mai na laione, qai kudru na luvenilaione,Ia se kavoro ga na bati ni laione* kaukaua.
11 Sa mate na laione ni sa lailai na kena,Ra qai veiseyaki tu na luvenilaione.
12 Ia e kau lo mai vei au e dua na itukutuku,Sa bau rogoca na daligaqu ni vakasolokakanataki.
13 Ni veiciciyaki voli noqu vakanananu niu raivotu ena bogi,Nira se mocelutu na tamata,
14 Dua na ka noqu sautaninini,E lai curuma kina na suiqu kece na domobula.
15 E tavali e mataqu e dua na ka,*E se sara ga na votoqu.
16 E qai tu vakadua,Ia au sega ni kila na kena irairai.
E tu e mataqu e dua na ka,E vakanomodi, au sa qai rogoca e dua na domo:
17 ‘E rawa ni yalododonu cake vua na Kalou e dua na tamata?
E rawa ni savasava cake vua na nona Dauveibuli e dua na tamata?’
18 Raica! E sega ni vakabauti ira nona dauveiqaravi o koya,E kunea na cala vei ira nona agilosi.*
19 Sa na qai wacava sara o ira na vakaitikotiko ena vale qele,E nodra yavu na kuvuniqele,+E rawarawa nodra vurumemeataki vaka na sarasara!
20 Era vurumemeataki vakadua mai na mataka me yacova na bogi,Era sa mate vakadua, qai sega ni dua e bau kauai kina.
21 Vakacava era sega ni vaka na valelaca sa cavu laivi na kena dali?
Era mate, era sega ni vuku.
iVakamacala e ra
^ Ipe., “oca mai.”
^ Se “lalawataka.”
^ Se “luvenilaione.”
^ Se “kabula vakayalo.” Ipe., ruʹach.
^ Se “ira na italai.”
