Jope 40:1-24
40 E vosa tale vei Jope o Jiova:
2 “Vakacava e dodonu vua na dau vaqara cala me saqati koya sa Kaukaua Duadua?+
Me sauma mai o koya e via vunauca na Kalou.”+
3 E sauma vei Jiova o Jope:
4 “Raica! Sa sega na betequ.+
Na cava meu tukuna vei kemuni?
Au sa tabonaka na gusuqu ena ligaqu.+
5 Au sa vosa oti vakadua, ia au na sega ni sauma tale,Vakarua, au na sega ni vosa tale.”
6 E qai kaya o Jiova vei Jope mai na cagi kaukaua:+
7 “Vakarautaki iko vaka na tagane,Au na vakatarogi iko, mo qai tukutuku mai.+
8 O na vakataroga* noqu lewadodonu?
O na vakacalai au, mo rawa ni donu kina o iko?+
9 Vakacava e kaukaua na ligamu me vaka na liga ni Kalou dina,+Se rawa ni vakuru na domomu me vaka na domona?+
10 Yalovinaka, ukutaki iko ena lagilagi kei na kaukaua,Mo vakaisulutaki iko tale ga ena ka dokai kei na ka totoka.
11 Me waqa mai na nomu cudru,Raici ira kece na qaciqacia qai vakalolovirataki ira.
12 Raici ira kece na qaciqacia qai vakamalumalumutaki ira,Buturaki ira tale ga na daucaka ca ena vanua era tu kina.
13 Vunitaki ira kece ena kuvuniqele,Vesuki ira* ena vanua vuni,
14 O yau mada ga, au na qai tukuna vei iko*Ni rawa ni vakabulai iko na ligamu imatau.
15 Sa tu qo na Piemoci,* au bulia me vaka ga noqu buli iko.
E dau kana co vaka e dua na bulumakau tagane.
16 Raica na igu e tiko e tolonaKei na kaukaua ena ua ni ketena!
17 E vakaukauataka na buina me vaka na sitari,E veiqaliqali na viciko ni sagana.
18 Na kena sui na tolonipaipo kopa,Na yavana e vaka na tolo ni kaukamea.
19 Qori na imatai* vei ira na cakacaka ni Kalou,Na Dauveibuli duadua ga e rawa ni torova yani ena nona iseleiwau.
20 Ni vakatubura na veiulunivanua na kena,Ena vanua era qito kina na manumanu kila kece.
21 E davo ena ruku ni veikau votovotoa,E vakaruru e veikuta ena vanua lolobo.
22 E vakaruguta tiko ga na veikau votovotoa,Qai wavolita na vu ni popila mai na buca.*
23 Ke dave kaukaua na uciwai, e sega ni taqaya.
E nuidei, ke kui yani i gusuna na Joritani.+
24 Vakacava, e rawa ni dua e vesuka ni rai tu,Se cula na ucuna ena iqaso?*
iVakamacala e ra
^ Se “vakatawayagataka.”
^ Ipe., “na matadra.”
^ Se “vakacaucautaki iko.”
^ Rawa ni hipo.
^ Ipe., “Qo na itekitekivu.”
^ Se “waimaca.”
^ Ipe., “icori.”
