Jope 41:1-34
-
Vakamacalataka na Kalou na veivakurabuitaki ni Livaiacani (1-34)
41 “O rawa ni toboki Livaiacani*+ ena batinisiwaSe dreta sobu tu na yamena ena dali?
2 O rawa ni vakacuruma na dali* ena ucunaSe cula na galegalena ena iqaso?*
3 Vakacava, ena vakamasuti iko vakalevu,Se na vosa vakamalua vei iko?
4 Vakacava, ena veiyalayalati kei iko,Me nomu bobula ena nomu bula taucoko?
5 O na vaqitora me vaka ga e dua na manumanuvukaSe vesuka ena dua na wa me nodra nomu goneyalewa lalai?
6 Vakacava, era na volitaka na dauveivoli?
Era na wasea na dauvolivolitaki?
7 O na sosomaka na moto vakawa ena kuliniyagona+Se na uluna ena moto ni cocoka?
8 Tabaka ena ligamu,O na nanuma na ivalu qai sega ni cakava tale!
9 Na vakanuinui kece me vakamalumalumutaki kina, sa na dreve ga.
Na kena irairai wale ga, o na domobula kina.*
10 E sega ni dua e doudou me vakasaga.
O cei gona ena tu rawa e mataqu?+
11 O cei a solia vei au e dua na ka meu saumi koya kina?+
Na ka kece e ruku i lomalagi e noqu.+
12 Au na sega ni galuvaka na yavana,Na kena kaukaua kei na yagona bulicaki vinaka.
13 O cei sa luvata na kena iubi e sau?
O cei ena curuma na galegalena ni dalaga tu?
14 O cei e rawa ni basuka na katuba ni gusuna?*
E vakarerevaki na batina kece.
15 E veitaqataqai e dakuna na varina*Era veikabiti matua.
16 Era veisemati vinaka saraMe kua ni curu rawa ena kedra maliwa na cagi.
17 Era veisemati kece,Era kabi vata qai sega ni tawasei rawa.
18 Nona suru e vakacaudreva na rarama,Qai vaka na kida ni mataka na matana.
19 E tibi mai gusuna na liva,E lidi mai kina na bukawaqa.
20 E lako mai ucuna na kubou,Vaka na lovo e waqari ena kuta.
21 Na kena icegu e yameyame kina na qilaiso,Qai lako mai gusuna na yameyame ni buka.
22 E tiko e domona na kaukaua levu,Era gutuwa e matana na yalolailai.
23 Na ilobi ni lewena e veikabiti matua,Era vaka tu na kaukamea, e sega ni yavalati rawa.
24 Na utona e kaukaua vaka na vatu,Io, e kaukaua vaka na vatuniqaqaqi e dabe i ra.
25 Ni duri mai, era rere mada ga na qaqa,Na kena yavavala ena vakavuveilecayaki.
26 Ena sega ni yaga na iseleiwau kece e lauti koya,Se mani moto, moto lailai, se gasau.+
27 E okata na kaukamea me vaka na tolonicovuata madu,Na kopa me kau vuca.
28 Na gasau ena sega ni cemuri koya,Na vatu ni irabo ena vuki me vunicovuata ni cawi yani vua.
29 E okata na iwau me dua wale ga na vunicovuata.Qai dredrevaka na rorogo ni moto.
30 Na botona e vaka na tiki ni iyaya qele momoto era sa kakavorovoro,E veitosoyaki ena soso me vaka na iyaya ni samu covuata.+
31 E vakavuna me buebue na wai titobu me vaka ga na kuro,E yavalata na wasawasa me vaka na kuro waiwai.
32 Ena taliva tu na mawena ena sala e muria,
Ena nanuma e dua ni ulu vula na wasa titobu.
33 E sega ni dua na ka e tautauvata kaya e vuravura,Na manumanu e buli me kua ni rere.
34 E waqa na matana ina ka kece e viavialevu.
E tui vei ira kece na manumanu kila lagilagi.”
iVakamacala e ra
^ Se rawa ni, karokotaile.
^ Ipe., “kuta.”
^ Ipe., “votona.”
^ Se “kolotaki iko sobu.”
^ Ipe., “matana.”
^ Se rawa ni, “Nona isakisaki na varina e veitaqataqai.”
