Jope 42:1-17
42 Sa qai kaya vei Jiova o Jope:
2 “Au sa qai kila qo ni oni rawata na ka keceE sega tale ga ni dredre moni cakava na ka oni vakasamataka.+
3 Oni kaya, ‘O cei qo e vakabuawataka tiko na noqu ivakasala ena lecaika?’+
Au a vosa gona, ia au sega ni yalomatuaEna veika sa rui veivakurabuitaki vei au, au qai sega ni kila.+
4 Oni kaya, ‘Yalovinaka vakarorogo, au na qai vosa.
Au na vakatarogi iko, mo qai tukutuku mai.’+
5 Na daligaqu sa dau rogoca tu me baleti kemuni,Ia qo au sa raici kemuni ena mataqu.
6 Oya na vuna au vakasuka kina na ka au tukuna,*+Au qai veivutuni ena kuvuniqele kei na dravusa.”+
7 Ni sa tukuna oti na vosa qo o Jiova vei Jope, sa qai kaya o Jiova vei Elifasi na kai Temani:
“E waqa sara ga noqu cudru vei iko kei rau na nomu itokani,+ ni dou sega ni tukuna na ka dina me baleti au+ me vakataki Jope na noqu dauveiqaravi.
8 Kauta sara e vitu na bulumakau tagane kei na vitu na tamanisipi vei Jope na noqu dauveiqaravi, qai cabora na isoro kama ena vukumudou. Ena qai masulaki kemudou o Jope na noqu dauveiqaravi.+ Au na ciqoma sara ga na nona kerekere* meu kua ni sauma vei kemudou na nomudou lialia, ni dou sega ni tukuna na ka dina me baleti au me vakataki Jope na noqu dauveiqaravi.”
9 Eratou mani lako o Elifasi na kai Temani, o Pilitati na kawa i Sua, kei Sofa na kai Neama, ratou qai cakava na ka e tukuna vei ratou o Jiova me ratou cakava. E vakadonuya tale ga o Jiova na masu i Jope.
10 Ni masulaki ratou oti na nona itokani o Jope,+ sa qai kauta laivi o Jiova na rarawa i Jope,+ e vakavuna me tikovinaka tale.* E vakaruataka vua o Jiova na veika a taukena tu e liu.+
11 Era lako kece mai vua na tacina, na ganena, kei ira kece na nona itokani makawa,+ ra qai kana vata kei koya ena nona vale. Era duavata kei koya qai vakacegui koya ena vuku ni leqa kece e vakatara o Jiova me yaco vua. Era solia yadua vua e dua na tikinisiliva kei na dua na mama koula.
12 E qai vakalougatataka vakalevu o Jiova na nona veiyabaki e muri o Jope, mai na veiyabaki sa sivi,+ e qai taukena o Jope e 14,000 na sipi, 6,000 na kameli, 2,000 na bulumakau kei na 1,000 na asa yalewa.+
13 E qai vitu tale na luvena tagane, tolu tale na luvena yalewa.+
14 E vakatoka na imatai ni luvena yalewa me o Jimaima, na kena ikarua o Kesaia kei na kena ikatolu o Kereniapuka.
15 E sega ni dua na yalewa ena vanua taucoko me bau rairai totoka me vakataki ratou na luvei Jope yalewa, e qai solia o tamadratou na ivotavota vei ratou kei na ganedratou.
16 E qai bula tale tiko o Jope me 140 na yabaki, e raici ratou na luvena kei ira na makubuna—e va na itabatamata.
17 Sa qai mate o Jope ni sa dede qai marautaki na nona bula.*
iVakamacala e ra
^ Se “au veivutuni.”
^ Ipe., “Au na laveta cake sara ga na matana.”
^ Ipe., “veisautaka o Jiova na ituvaki a vesuki Jope tu.”
^ Ipe., “qase, e levu nona siga.”
