Jope 5:1-27
5 “Kaci mada! Ena rogoci iko e dua?
O cei vei ira na yalosavasava o na goleva?
2 Ni na vakamatei koya e sesewa na yaloca,Qai vakamatei koya e yalowai na vuvu.
3 Au sa raica ni sa vakawakana tu o koya e sesewa,Ia vakasauri ga, sa kalouca na nona itikotiko.
4 Era sa sega ni taqomaki rawa na luvena,Era sa vurumemeataki ena matamatanikoro,+ ni sega ni dua me vakabulai ira.
5 Na ka e tamusuka o koya sa na kania e dua e walokai,Ena taura mai na maliwa ni wavakavotona,Qai coriti na nodra iyau.
6 E sega ni kadre mai na kuvuniqele na ka mosimosi,Ena sega tale ga ni tubu na leqa mai na qele.
7 Ni sucu mai na tamata me rarawa,Me vaka sara ga na vuka cake ni lidi ni buka.
8 Au na vakamamasu ga vua na Kalou,Au na laiva tale ga vua na Kalou me lewai au,
9 Vei koya e cakava na veika e cecere qai sega ni vakadikevi rawa,Na veika veivakurabuitaki e sega ni wiliki rawa.
10 E vakatauca na uca e vuravuraQai vakadrodroya na wai ena veiwere.
11 E vakacerecerei koya na lolovira,Qai laveti koya e rarawa me bula.
12 E vakaseva na nodra inaki ca na tamata qaseqase,Me kua kina ni rawaka na cakacaka ni ligadra.
13 E toboki ira na vuku ena nodra ilawaki,+Me veilecayaki na nodra inaki na yaloqaseqase.
14 Era sota kei na butobuto ni se siga tu,Era vakayayamo voli ena sigalevu tutu me vaka ena bogi.
15 E veivakabulai mai na iseleiwau ni gusudra,E vakabula na dravudravua mai na liga i koya e kaukaua,
16 Me tu gona nona inuinui o koya e vakaloloma,Ia me sogo na gusu e tawadodonu.
17 Raica! E marau na tamata e vunauci koya na Kalou,Mo kua gona ni cata ni veivakadodonutaki o koya e Kaukaua Duadua!
18 Ni vakavuna o koya na mosi, ia e vadretitaka tale na mavoa,E vorolaka o koya, ia na ligana e veivakabulai.
19 Ena vakabulai iko mai na ono na ka rarawa,Na kena ikavitu mada ga ena sega ni vakamavoataki iko.
20 Ni yaco na dausiga, ena vakabulai iko mai na mate,Mai na kaukaua tale ga ni iseleiwau ni yaco na ivalu.
21 O na taqomaki mai na yame e dau veikuitataki,+O na qai sega ni rere ni yaco na vakacaca.
22 O na dredrevaka na vakacaca kei na walokai,O na sega tale ga ni rerevaka na manumanu kila ni vuravura.
23 Ena sega ni vakamavoataki iko* na veivatu ni vanua,O na veiyaloni kei na manumanu kila ni vanua.
24 O na kila ni taqomaki* tu nomu valelaca,Ni o lai raica na nomu vanua veico, ena sega ni yali e dua na ka.
25 O na marautaka ni levu na luvemu,Ra qai buroro na nomu kawa vaka na co e vuravura.
26 O na kaukaua tu ga ni o lako ina ibulubulu,Vaka na sola matua ni covuata, e tamusuki ena kena gauna.
27 Raica! Qo na ka keitou sa vaqaqa mai, sa yaco dina tale ga.
Mo rogoca qai ciqoma.”
