Jope 6:1-30
6 E qai kaya o Jope:
2 “Ke rawa ni vakarautaki taucoko na noqu rarawa+Qai biu vata na noqu leqa ena ivakarau!
3 Ni bibi sara qo mai na nuku ni wasawasa.
Sa rauta me ka vakalialia na noqu vosa.*+
4 Nira sa cokai au na gasau i koya e Kaukaua Duadua,Au gunuva tiko na kedra gaga,+Era tuva tu vei au na veika rerevaki ni Kalou.
5 Vakacava ena tagi na asa kila+ ni sa tu na kena co,Se na tagi na bulumakau tagane ni sa tu na kena?
6 Ena laukana na kakana velavela ke sega na masima,Se kamikamica na wai dradranu?
7 Au bese ni tara e dua na ka va qo.
Nira vaka tu na ka ca ena kequ kakana.
8 Isa me bau ciqomi mada ga noqu kerekere,Me vakayacora na Kalou na ka au vinakata!
9 Me yalorawarawa na Kalou me vakarusai au,Qai dodoka yani na ligana me vakamatei au!+
10 Ena vakacegui au dina ga qori,Seu mosi tu vakacava au na lade ga ena marau,Niu sega ni cakitaka na vosa i koya na Yalosavasava.+
11 E tiko vei au na kaukaua meu se wawa tiko kina?+
Na cava na kequ itinitini, meu bula tiko ga kina?
12 E vaka na vatu na noqu kaukaua?
Se vaka na kopa na lewequ?
13 Vakacava e dua na sala au rawa ni vukei au kinaNira sa cemuri kece na noqu ivukevuke?
14 O koya e sega ni dei na nona loloma vua na kainona+Ena muduka na nona rerevaki koya e Kaukaua Duadua.+
15 O ira na taciqu era veidabui+ me vaka na waidrodro ni vulaililiwa,Vaka na wai ni uciwai ena vulaililiwa ni dau maca.
16 Era vakabutobutotaki ena waicevata,E vuni tale ga i loma na ucacevata sa waicala tiko.
17 Ia ena kena gauna sa na sega vei ira na wai, sa na oti tale ga.
Ni katakata mai, era na mamaca vakadua.
18 E vagolei tani na kedra sala,Ena drodro yani ina vanua dravuisiga, ra yali sara.
19 Era vaqaqara na matailakolako mai Tima,+Na ilawalawa dauveilakoyaki mai Sipa,+ e namaki ira voli.
20 Era madua ni matewale nodra vakanuinui,Era lako ga yani mera lai rarawa tale.
21 Ni sa va qo na nomudou ivakarau vei au,+Dou raica na vakadomobula ni leqa e bikai au, dou qai rere.+
22 Au bau kaya, ‘Solia vei au e dua na ka,’Seu bau kerea mo dou cakava e dua noqu iloloma mai na nomudou iyau?
23 Au sa bau kerea meu vakabulai mai na liga ni mecaSe vakabulai* vei ira na dauveivakasaurarataki?
24 Vakavulici au, au na qai tiko lo,+Vukei au meu kila na noqu cala.
25 Na vosa e dodonu e sega ni mosimosi!+
Ia e yaga vakacava na nomudou veivunauci?+
26 Dou nakita voli mo dou vakadodonutaka na noqu vosa,Na vosa ni dua na turaga e rarawa vakalevu,+ e cagina yani ena cagi?
27 Na luveniyali tale ga dou na vakawirimadigitaka+Na nomudou itokani mada ga dou qai volitaka!+
28 Dou vuki mai dou raici au,Niu na sega ni lasu e matamudou.
29 Yalovinaka, vakasamataka tale—dou kua ni raici au vakatani—Io, vakasamataka tale, ni se taucoko tu ga na noqu yalododonu.
30 Vakacava e vosa tiko vakatawadodonu na yamequ?
E sega ni kila na gadroqu ni sa dua na leqa?
