Jope 7:1-21
7 “Vakacava e sega ni tautauvata na bula ni tamata e vuravura kei na cakacaka kaukaua e dau lavaki,E sega ni tautauvata na nodrau siga kei koya na tamata cakacaka saumi?+
2 E vaka na bobula ni vinakata me vakaruru,E vakataki koya tale ga na tamata cakacaka saumi, ni waraka na kena isau.+
3 Sa mai noqu ivotavota gona na veivula tawayagaQai lesi tu vei au na veibogi ni rarawa.+
4 Niu davo au taroga, ‘Au na duri enaica?’+
Ia ni toso tiko na bogi, au dau masa me yacova na kida ni mataka.
5 Sa robota na lewequ na ulo kei na vavaku ni duka,+Sa sinai e kuliqu na karokaro kei na nana.+
6 Sa cawi na noqu siga, e bera tale na kau ni dautalitali,+Era sa yacova na kedra itinitini, ia e sega tu na inuinui.+
7 Moni nanuma ni cagi wale ga na noqu bula,+Na mataqu ena sega tale ni raica na marau.*
8 Sa na sega ni raici au tale na mata e raici au qo,Ena vaqarai au na matamuni, ia au sa na yali.+
9 Me vaka na o sa seavu qai yali yani,O koya e lako sobu ina iBulubulu* e sega ni lesu cake mai.+
10 Ena sega ni lesu i nona vale,Sa na sega ni kilai tale mai nona vanua.+
11 O koya gona, au na sega ni tarova na gusuqu.
Au na vosa ni sa vusolo na lomaqu,Au na vosavosa niu sa rui rarawa!+
12 Vakacava, o yau na wasawasa se na manumanu lelevu ni wasawasa,Mo lesia e dua me yadravi au?
13 Niu kaya, ‘Na noqu idabedabe balavu ena vakacegui au,Na noqu idavodavo ena vakamamadataka noqu rarawa,’
14 Oni mani vakataqayataki au ena tadraQai vakarerei au ena raivotu,
15 Meu digia kina me tasogo noqu icegu,Io, na mate me kua ga ni yagoqu qo.*+
16 Au sa cata noqu bula,+ au sega ni via bula tiko.
Ni laivi au, ni vaka wale na icegu na noqu siga.+
17 Na cava na tamata moni kauaitaki koya kinaNi qai dau nanumi* koya matua?+
18 Na cava moni dau dikevi koya kina ena veimatakaQai vakatovolei koya ena veigauna?+
19 Vakacava oni na sega ni rai tani vei auQai laivi au me yacova na gauna meu tiloma kina noqu weli?+
20 Keu sa valavala ca, meu na vakaleqai kemuni vakacava, o kemuni na Daudikeva na kawatamata?+
Na cava oni sa taketetaki au kina?
Au sa icolacola bibi vei kemuni?
21 Na cava oni sega ni vosota kina na noqu ivalavala caQai raibaleta na noqu cala?
Wale ga qo au sa na davo sobu ena kuvuniqele,+Oni na qai vaqarai au, au sa na yali.”
iVakamacala e ra
^ Ipe., “raica na vinaka.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Ipe., “kua ga ni suiqu.”
^ Ipe., “katona e lomamu.”
