Jope 8:1-22
8 E qai kaya o Pilitati+ na kawa i Sua:+
2 “Ena vakacava na dede ni nomu vosa tiko va qo?+
Na vosa ni gusumu e vaka na cagi kaukaua!
3 Vakacava ena vakatanitaka na Kalou na lewadodonu,Se na vakatanitaka na ka dodonu o koya sa Kaukaua Duadua?
4 Ke ra valavala ca vua na luvemu,A totogitaki ira ena nodra talaidredre,*
5 Ia ke o rai vua na Kalou+Qai vakamamasu vei koya e Kaukaua Duadua mo lomani,
6 Ke o savasava dina qai dodonu,+Ena nanumi iko o koya*Qai vakasukai iko ina nomu itikotiko dodonu.
7 E somidi tale ga na nomu itekitekivu,Ia na nomu veigauna mai muri ena levu.+
8 Yalovinaka, tarogi ira na itabatamata makawa,Qai vakasamataka vinaka na ka era kila na tamadra.+
9 Nida sucu ga enanoa, da qai sega ni kila e dua na ka,Ni iyaloyalo wale ga na noda veisiga e vuravura.
10 Vakacava era na sega ni vakavulici ikoRa qai tukuna vei iko na ka era kila?*
11 Ena rawa ni tubu balavu na kuta ke sega na vanua lolobo?
Se tubu balavu na gasau ke sega na wai?
12 Ni se tu ga na kena kubu qai se bera ni cavu,Ena malai e liu mai na vo ni kau.
13 Qo na ka ena yaco* vei ira kece na guilecava na Kalou,Ni na yali na nodra inuinui na sega ni vakabauta na Kalou,*
14 Ena maumau wale na nona nuideiKei na ka e vakararavi kina e malumalumu vaka na viritalawalawa.*
15 Ena ravita o koya na nona vale, ia ena sega ni tudei,Ena saga me tautauri kina, ia ena sega ni dede.
16 O koya na kau suasua e cilavi siga,Qai tete na sulina ena iteitei.+
17 Na wakana sa veicurumaki tu kei na ibinibini vatu,E vaqara vale ena maliwa ni veivatu.*
18 Ia ni cavuraki* mai na nona yasana,Ena cakitaki koya na yasana oya qai kaya, ‘Au se sega vakadua ni raici iko.’+
19 Io, oya na sala ena yali* kina o koya,+Era na qai tubu mai eso tale ena kuvuniqele.
20 Na Kalou ena sega sara ga ni cati ira na yalodina* tiko,Se me tokoni* ira na tamata ca,
21 Ni na vakasinaita na gusumu ena dredreKei na tebenigusumu ena kaila ni marau.
22 Era na sulumaka na madua o ira na sevaki iko,Ena qai yali na nodra valelaca na daucaka ca.”
iVakamacala e ra
^ Ipe., “E talai ira ina ligadra na dautalaidredre.”
^ Se “yadra ena vukumu.”
^ Ipe., “Qai kauta mai na vosa mai utodra?”
^ Ipe., “Ena va qori nodra sala.”
^ Se “ira na vukitani.”
^ Ipe., “vale.”
^ Se “Raica e dua na vale vatu.”
^ Se “tilomi.”
^ Se “na itinitini ni nona sala.”
^ Se “ira na sega ni cala.”
^ Ipe., “taura na liga ni.”
