Josua 13:1-33
13 Sa qase mai o Josua, sa toso sara na nona yabaki.+ E mani kaya vua o Jiova: “O sa qase mai, sa toso na nomu yabaki, ia se vo levu tu na vanua me taukeni.*
2 Qo na vanua se vo tiko:+ na nodra yasayasa kece na kai Filisitia kei na nodra yasayasa kece na Kesuri+
3 (mai na basoga ni Naile* oya ena tokalau kei* Ijipita me yaco sara ina vualiku ni iyala kei Ekironi, e dau nanumi tu ni nodra vanua na kai Kenani)+ wili kina na nodratou vanua na lima na nodra turaga na kai Filisitia,+ oya o ira na Kesa, o ira na Asoto,+ o ira na Asikiloni,+ o ira na kai Kaca,+ kei ira na Ekironi,+ na nodra vanua na Avimi+
4 ina ceva, na nodra vanua kece na kai Kenani, o Miera e nodra na kai Saitoni+ me yaco i Efeki, me yaco ina nodra iyala ni vanua na Amoraiti,
5 na nodra vanua na Kipali,+ kei Lepanoni taucoko donuya na tokalau, mai Pealikata ena ruku ni Ulu i Erimoni me yaco sara i Lepo-emaci,*+
6 kei ira kece na tiko ena veiulunivanua mai Lepanoni+ me yaco i Misirifo-cimeimi,+ kei ira kece na Saitoni.+ Au na cemuri ira tani e matadra na Isireli.+ Mo wasea ga vei ira na Isireli me nodra ivotavota me vaka au vakaroti iko kina.+
7 Ia mo wasea na vanua qo me nodra ivotavota na ciwa na yavusa kei na veimama ni yavusa i Manasa.”+
8 Na veimama ni yavusa adua, o ira na Rupeni kei ira na Kata era taura na nodra ivotavota e solia vei ira o Mosese ena tokalau ni Joritani, me vaka ga e solia vei ira o Mosese na tamata i Jiova:+
9 mai Aroeri+ ena yasa ni Buca* o Arinoni,+ na koro e tiko ena lomadonu ni buca, kei na delana raraba kece e Metipa me yaco sara i Taiponi,
10 kei na koro kece nei Tui Sioni vei ira na Amoraiti e veiliutaki e Esiponi, me yacova na iyala ni nodra vanua na Amoni,+
11 vaka kina o Kiliati kei na nodra vanua na kai Kesuri kei na nodra vanua na kai Meaka+ kei Ulu i Erimoni taucoko kei Pasani+ taucoko me yaco sara i Salika,+
12 na matanitu vakaturaga kece i Oki e Pasani, e veiliutaki e Aseteroci kei Etirei. (O koya ga e vo vei ira na Refeimi.)+ E ravuti ira o Mosese qai cemuri ira tani.+
13 Ia o ira na Isireli era sega ni cemuri ira tani+ na kai Kesuri kei ira na Meaka, era tiko vata ga kei ira na Isireli o ira na kai Kesuri kei ira na Meaka me yacova na siga qo.
14 Na yavusa duadua ga na Livai e sega ni solia o koya e dua na nodra ivotavota.+ E nodra ivotavota ga na isoro e cabori ena bukawaqa vei Jiova na Kalou ni Isireli+ me vaka e yalataka vei ira.+
15 E qai solia o Mosese na nodra ivotavota na yavusa i Rupeni me vaka na nodra vuvale,
16 na nodra vanua e tekivu mai Aroeri ena yasa ni Buca* o Arinoni kei na koro ena lomadonu ni buca, kei na delana raraba kece e volekati Metipa,
17 o Esiponi kei na kena tauni+ taucoko ena delana raraba, o Taiponi, o Pamocipeali, o Peci-peali-mioni,+
18 o Jeasa,+ o Kitemoci,+ o Mefeaci,+
19 o Kiriaceimi, o Sipima,+ kei Sereciseari ena ulunivanua ni buca,
20 o Pecipiori, na baba e Pisika,+ o Peci-isimoci,+
21 na koro kece ena delana raraba kei na matanitu vakaturaga nei Tui Sioni vei ira na Amoraiti e veiliutaki e Esiponi.+ E vakadrukai koya+ o Mosese kei ratou na turaga ni Mitiani, o Ivai, o Rekemi, o Suri, o Ure, kei Repa,+ o ratou na turaga* nei Sioni eratou vakaitikotiko ena vanua.
22 O Pelami+ na luvei Piori, na daucakaisausau,+ era vakamatea na Isireli ena iseleiwau kei ira na kena vo era vakamatei.
23 Na nodra iyala ni vanua na Rupeni na Joritani, na vanua qo e nodra ivotavota na Rupeni me vaka na nodra vuvale, wili kina na koro kei na nodra itikotiko.
24 E solia tale ga o Mosese na nodra ivotavota na yavusa i Kata, o ira na Kata me vaka na nodra vuvale,
25 na nodra vanua e wili kina o Jaseri+ kei na koro kece e Kiliati, kei na veimama ni nodra vanua na Amoni+ me yaco sara i Aroeri e donui Rapa,+
26 mai Esiponi+ me yaco i Ramaimisipe kei Pitonimi, mai Meneimi+ me yacova na iyala ni vanua o Tipiri,
27 kei na buca o Peci-arami, o Peci-nimira,+ o Sukoci,+ kei Safoni, na vo ni nona vanua vakaturaga o Tui Sioni e Esiponi,+ e kena iyalayala na Joritani mai na bati ni Wasa o Kinereci*+ mai ra, ena yasa ni Joritani ena tokalau.
28 Qo na nodra ivotavota na Kata me vaka na nodra vuvale, wili kina na koro kei na nodra itikotiko.
29 E solia tale ga o Mosese na nodra ivotavota na veimama ni yavusa na Manasa, vei ira na veimama ni yavusa na Manasa me vaka na nodra vuvale.+
30 Na nodra vanua e tekivu mai Meneimi,+ e kovuta na vanua taucoko o Pasani, na matanitu vakaturaga kece nei Tui Oki e Pasani, kei na koro vakavalelaca kece nei Jairi+ e tiko e Pasani, e 60 na tauni.
31 Na veimama ni vanua o Kiliati, o Aseteroci kei Etirei,+ o rau na koro vakaturaga ena matanitu nei Oki e Pasani e soli vei ira na luvei Mekiri+ na luvei Manasa, vei ira na veimama ni luvei Mekiri me vaka na nodra vuvale.
32 Qo na nodra ivotavota e solia vei ira o Mosese ena buca o Moapi, ena tai ni Joritani ena tokalau ni Jeriko.+
33 Ia e sega ni solia o Mosese e dua na nodra ivotavota na yavusa na Livai.+ O Jiova na Kalou ni Isireli e nodra ivotavota me vaka ga e yalataka vei ira.+
iVakamacala e ra
^ Se “valuti.”
^ Ipe., “donui.”
^ Se “mai Siori.”
^ Se “na icurucuru i Emaci.”
^ Se “Waimaca o Arinoni.”
^ Se “Waimaca o Arinoni.”
^ Qo o ira na tui era vakarorogo vei Sioni.
^ Oya na drano o Kenisareti, se na Wasa o Kalili.
