Josua 16:1-10
16 Na vanua e vakawirimadigitaki*+ vei ira na kawa i Josefa+ e tekivu ena Joritani e Jeriko me yacova na wai ena tokalau kei Jeriko, ena loma ni vanua talasiga e lako cake mai Jeriko ina veiulunivanua e Peceli.+
2 E toso mai Peceli volekati Lusa me lako yani ena iyala ni nodra vanua na Ariki e Ataroci,
3 e toso sobu ina ra na nodra iyala ni vanua na Jefiletaiti me yaco sara ina iyala ni vanua o Pecioroni i Ra+ kei Keseri+ qai yala e waitui.
4 Era qai taukena na nodra vanua+ na kawa i Josefa,+ o ira na Manasa kei ira na Ifireimi.
5 Ia qo na iyala ni nodra vanua na kawa nei Ifireimi me vaka na nodra vuvale: Na iyala ni nodra ivotavota ina tokalau o Atarociatari+ me yaco sara i Pecioroni i Cake,+
6 e toso i waitui na iyala ni vanua. E toka o Mikimica+ ena vualiku, e gole na iyala ni vanua ina tokalau me yaco i Tenacisailo, e sivita na tokalau na iyala ni vanua me yaco i Janoa.
7 E toso sobu mai Janoa i Ataroci kei Nera, me yaco i Jeriko+ qai toso ina Joritani.
8 E toso tiko ga na iyala ni vanua mai Tapua+ ina ra ni Waimaca o Kana qai yala e waitui.+ Qo na nodra ivotavota na yavusa na Ifireimi me vaka na nodra vuvale,
9 eso tale ga na nodra koro na kawa nei Ifireimi e tiko vakatikitiki ena nodra ivotavota na Manasa,+ na koro kece kei na nodra itikotiko.
10 Ia era sega ni cemuri ira na kai Kenani era tiko e Keseri,+ era tiko vata ga kei ira na Ifireimi na kai Kenani me yacova na siga+ qo ra qai vakavorakitaki mera cakacaka wale.+
iVakamacala e ra
^ Se “votai.”