Josua 21:1-45
21 Era lako yani na turaga ni nodra mataqali na Livai vei Eliesa+ na bete, vei Josua na luvei Nuni, kei ira na turaga ni nodra mataqali ena yavusa e Isireli,
2 era vosa vei ira e Sailo+ ena vanua o Kenani, era kaya: “E vakarota o Jiova ena gusu i Mosese me soli vei keimami eso na koro me keimami tiko kina kei na vanua veico me yaga vei ira na neimami manumanu.”+
3 Era mani solia na Isireli vei ira na Livai eso na koro+ kei na vanua veico mai na nodra ivotavota, me vaka na ivakaro i Jiova.+
4 E dusia na madigi na nodra vuvale na Koaca,+ ia o ira na Livai era kawa i Eroni na bete e soli vei ira ena vakawirimadigi* e 13 na koro mai na yavusa na Juta,+ na yavusa na Simioni,+ kei na yavusa na Penijamini.+
5 E votai* vei ira na vo ni luvei Koaca e tini na koro mai na nodra vuvale na yavusa na Ifireimi,+ na yavusa na Tani, kei na veimama ni yavusa na Manasa.+
6 E votai vei ira na Keresoni+ e 13 na koro mai na nodra vuvale na yavusa na Isakari, na yavusa na Aseri, na yavusa na Nafitalai, kei na veimama ni yavusa na Manasa e Pasani.+
7 E votai vei ira na Mirari+ me vaka na nodra vuvale e 12 na koro mai na yavusa na Rupeni, na yavusa na Kata, kei na yavusa na Sepuloni.+
8 Era solia gona na Isireli na koro kece qori kei na kena vanua veico vei ira na Livai ena vakawirimadigi, me vaka na ivakaro i Jiova ena gusu i Mosese.+
9 Qo na yaca ni koro era solia na yavusa na Juta kei ira na yavusa na Simioni,+
10 e soli vei ira na luvei Eroni mai na nodra vuvale na Koaca era Livai, ni nodra na imatai ni ivotavota e vakawirimadigitaki.
11 Era mani soli Kiriaciaripa+ vei ira (o Aripa na tamai Anaki), oya o Epironi+ ena veiulunivanua e Juta kei na vanua veico e wavokita.
12 Ia era solia na vanua e wili ena koro kei na kena itikotiko vei Kelepi na luvei Jifune me nona.+
13 Era solia na koro ni idrodro vei ira na luvei Eroni na bete me dro kina o koya e veivakamatei vakacalaka,+ qori o Epironi+ kei na kena vanua veico, vaka kina o Lipina+ kei na kena vanua veico,
14 o Jatiri+ kei na kena vanua veico, o Esitimoa+ kei na kena vanua veico,
15 o Oloni+ kei na kena vanua veico, o Tipiri+ kei na kena vanua veico,
16 o Eini+ kei na kena vanua veico, o Jiuta+ kei na kena vanua veico, o Pecisemesi kei na kena vanua veico; e ciwa na koro mai na rua na yavusa qo.
17 Mai na yavusa o Penijamini: o Kipioni+ kei na kena vanua veico, o Kipa kei na kena vanua veico,+
18 o Anacoci+ kei na kena vanua veico, o Alimoni kei na kena vanua veico; e va na koro.
19 E 13 taucoko na koro kei na kedra vanua veico e soli vei ira na kawa i Eroni na bete.+
20 E soli vei ira na vo ni vuvale na Koaca era Livai na koro e vakawirimadigitaki mai na yavusa na Ifireimi.
21 Era solia vei ira na koro ni idrodro o Sikemi+ me dro kina o koya e veivakamatei vakacalaka+ kei na kena vanua veico ena veiulunivanua o Ifireimi, o Keseri+ kei na kena vanua veico,
22 o Kipiseimi kei na kena vanua veico, o Pecioroni+ kei na kena vanua veico, e va na koro.
23 Mai na yavusa na Tani: o Ilitike kei na kena vanua veico, o Kipiconi kei na kena vanua veico,
24 o Eijaloni+ kei na kena vanua veico, o Kaca-rimoni kei na kena vanua veico; e va na koro.
25 Mai na veimama ni yavusa na Manasa: o Tenaki+ kei na kena vanua veico, o Kaca-rimoni kei na kena vanua veico; e rua na koro.
26 E tini taucoko na koro kei na kedra vanua veico e nodra na vo ni vuvale na Koaca.
27 Era solia na veimama ni yavusa i Manasa vei ira na Keresoni+ ena vuvale na Livai na koro ni idrodro me dro kina o koya e veivakamatei vakacalaka, qori o Kolani+ e Pasani kei na kena vanua veico, o Pesitira kei na kena vanua veico, e rua na koro.
28 Mai na yavusa na Isakari:+ o Kisioni kei na kena vanua veico, o Tapiraci+ kei na kena vanua veico,
29 o Jarimoce kei na kena vanua veico, o Enikanimi kei na kena vanua veico, e va na koro.
30 Mai na yavusa na Aseri:+ o Miseali kei na kena vanua veico, o Apitoni kei na kena vanua veico,
31 o Elikaci+ kei na kena vanua veico, o Riopi+ kei na kena vanua veico; e va na koro.
32 Mai na yavusa na Nafitalai: na koro ni idrodro+ me dro kina o koya e veivakamatei vakacalaka, qori o Ketesi+ e Kalili kei na kena vanua veico, o Emocitori kei na kena vanua veico, o Karitani kei na kena vanua veico, e tolu na koro.
33 E 13 taucoko na koro kei na kena vanua veico e nodra na Keresoni me vaka na nodra vuvale.
34 Era solia na yavusa na Sepuloni+ vei ira na vo ni Livai ena vuvale na Mirari:+ o Jokiniami+ kei na kena vanua veico, o Karita kei na kena vanua veico,
35 o Timina kei na kena vanua veico, o Nelali+ kei na kena vanua veico; e va na koro.
36 Mai na yavusa na Rupeni: o Peseri+ kei na kena vanua veico, o Jeasa kei na kena vanua veico,+
37 o Kitemoci kei na kena vanua veico, o Mefeaci kei na kena vanua veico; e va na koro.
38 Mai na yavusa na Kata:+ na koro ni idrodro me dro kina o koya e veivakamatei vakacalaka, o Remoci e Kiliati+ kei na kena vanua veico, o Meneimi+ kei na kena vanua veico,
39 o Esiponi+ kei na kena vanua veico, o Jaseri+ kei na kena vanua veico, e va taucoko na koro.
40 E 12 taucoko na koro e votai vei ira na Mirari me vaka na nodra vuvale, na vo ni vuvale na Livai.
41 E 48 taucoko na nodra koro na Livai kei na kedra vanua veico e tiko ena loma ni nodra ivotavota na Isireli.+
42 Na koro kece qo e tiko na kedra vanua veico e wavokita, era va kece qori na koro.
43 E solia gona o Jiova vei ira na Isireli na vanua taucoko e bubuluitaka me solia vei ira na tukadra,+ era mani taukena mera tiko kina.+
44 E vakacegui ira tale ga o Jiova ena yasana kece me vaka e bubuluitaka vei ira na tukadra,+ e sega ni dua vei ira kece na kedra meca e valuti ira.+ O Jiova e soli ira kece na kedra meca i ligadra.+
45 E sega ni daro na vosa ni yalayala vinaka kece e yalataka o Jiova ena vuvale ni Isireli, e dina kece.+
