Vei Ira mai Kalatia 5:1-26
5 Ena vuku ni galala qori, sa sereki keda kina o Karisito. O koya gona, ni tudei,+ ni kua tale ni colata na ivua ni bobula.+
2 Raica! o yau o Paula, au tukuna vei kemuni ke oni cilivi, sa na sega ni yaga vei kemuni o Karisito.+
3 Au kaya tale vei ira yadua na tagane e cilivi, e dodonu mera muria na Lawa taucoko.+
4 Oni sa tawasei kemuni vei Karisito, o kemuni na via okati moni yalododonu tiko ena vuku ni lawa,+ oni sa lutu tani mai na nona loloma soli wale.
5 Ia ni dusimaki keitou na yalo tabu, keitou nuitaka ni keitou na okati me keitou yalododonu ena vuku ni vakabauta.
6 Ena ka e baleti Karisito Jisu, e sega ni bibi na cili se tawacili,+ na vakabauta ga e yavutaki ena loloma.
7 Oni a cici vinaka tiko.+ O cei e tarovi kemuni moni kua ni muria na ka dina?
8 Na veiuqeti va qo e sega ni vakavuna o koya e kacivi kemuni.
9 Na leveni lailai ena tubu kina na ibuli taucoko.+
10 Au vakanuinui tu vei kemuni oni duavata kei na Turaga,+ ni na sega ni duidui nomuni rai, ia o koya e vakavuleqa tiko vei kemuni+ ena tau na kena itotogi, se mani o cei o koya.
11 Vei au raveitacini, na cava au se vakacacani tiko ga kina keu se vunautaka tiko na cili? Ke va qori, e tawayaga na kaunirarawa*+ e vu ni veivakatarabetaki.
12 Au diva, mera cakava e dua na ka o ira na vakavuleqa tiko qo vei kemuni, mera muduka na nodra gacagaca ni vakatubukawa.
13 Kemuni na taciqu, oni sa kacivi moni galala, ni kua ga ni taurivaka nomuni galala moni rawai kina ena gagadre vakayago,+ ia ni veivukei ga ena loloma.+
14 Ni vakayacori na Lawa kece ena dua ga na ivakaro qo: “Mo lomana na kainomu me vaka nomu lomani iko.”+
15 Ke oni veicati qai veivakamavoataki tiko,+ ni qarauna moni kua ni veivakarusai.+
16 Ia qo na ka au kaya, Moni lako tiko ga ena yalo tabu,+ oni na qai sega sara ni vakayacora na gagadre vakayago.+
17 Erau sega ni veiyaloni na gagadre vakayago kei na yalo tabu, na yalo tabu kei na gagadre vakayago erau veisaqasaqa, qo e vakavuna moni sega ni cakava kina na ka oni via cakava.+
18 O koya gona, ke liutaki kemuni na yalo tabu, e sega ni vauci kemuni na lawa.
19 Qo na vua ni itovo vakayago, na veiyacovi tawadodonu,*+ ivalavala dukadukali, ivalavala vakasisila,*+
20 qaravi matakau, qaravi tevoro,+ veicati, veivala, vuvu, cudru, duiyaloyalo, veisei, muritamata,
21 veivuvutaki, daumateni,+ marau vakalialia, kei na veika va ya.+ Au vakasalataki kemuni ena ka kece qo, me vaka au sa vakasalataki kemuni oti kina, ni o ira na cakava na ka kece qo era na sega ni rawata na Matanitu ni Kalou.+
22 Ena yasana adua, e okati ena vua ni yalo tabu na loloma, marau, vakacegu, vosovoso,* yalololoma, yalovinaka,+ vakabauta,
23 yalomalua, lewai koya vinaka.+ E sega na lawa e vakacala na ka kece qo.
24 Ia o ira na nei Karisito Jisu era vakota ena kau na yagodra kei na kena dodomo ca kei na kena gagadre ca.+
25 Ke da bula voli ena yalo tabu, meda muria vinaka sara na veidusimaki ni yalo tabu.+
26 Meda kua ni dokadoka+ ni vakavuna na veiqati+ se veivuvutaki.
iVakamacala e ra
^ Raica na iVakamacala ni Vosa.
^ Kirisi, por·neiʹa. Raica na iVakamacala ni Vosa.
^ Se “ivalavala vakamadua.” Kirisi, “a·selʹgei·a.” Raica na iVakamacala ni Vosa.
^ Se “vosota vakadede.”
