Vola o Maciu 1:1-25
1 Qo na ivolatukutuku* kei Jisu Karisito,* na luvei Tevita,+ na luvei Eparama:+
2 E tamai Aisake o Eparama;+e tamai Jekope o Aisake;+e tamai Juta+ kei ratou na tacina o Jekope;
3 e tamai Feresi kei Sira+ o Juta, e tinadrau o Tamari;e tamai Esironi o Feresi;+e tamai Rami o Esironi;+
4 e tamai Aminatapi o Rami;e tamai Nasoni o Aminatapi;+e tamai Salimoni o Nasoni;
5 e tamai Poasa o Salimoni, e tinana o Reapi;+e tamai Opeti o Poasa, e tinana o Ruci;+e tamai Jese o Opeti;+
6 e tamai Tevita na tui o Jese.+
E tamai Solomoni o Tevita,+ e luvena vei wati Uraia;
7 e tamai Riopoami o Solomoni;+e tamai Apaija o Riopoami;e tamai Esa o Apaija;+
8 e tamai Josafati o Esa;+e tamai Jorami o Josafati;+e tamai* Usaia o Jorami;
9 e tamai Jocame o Usaia;+e tamai Easi o Jocame;+e tamai Esekaia o Easi;+
10 e tamai Manasa o Esekaia;+e tamai Emoni o Manasa;+e tamai Josaia o Emoni;+
11 e tamai Jekonaia+ kei ratou na tacina o Josaia+ ena gauna era kau kina vakaukaua na Jiu i Papiloni.+
12 Nira kau vakaukaua na Jiu i Papiloni, e qai tamai Salacieli o Jekonaia;e tamai Serupapeli o Salacieli;+
13 e tamai Epiuta o Serupepeli;e tamai Elaiakimi o Epiuta;e tamai Asori o Elaiakimi;
14 e tamai Setoki o Asori;e tamai Akeimi o Setoki;e tamai Iliuta o Akeimi;
15 e tamai Eliesa o Iliuta;e tamai Macani o Eliesa;e tamai Jekope o Macani;
16 e tamai Josefa o Jekope, o Josefa na wati Meri, na tinai Jisu+ o koya e vakatokai me Karisito.+
17 E 14 taucoko na itabatamata mai vei Eparama me yacovi Tevita, e 14 na itabatamata mai vei Tevita me yacova nodra kau vakaukaua na Jiu i Papiloni, qai 14 tale na itabatamata mai na gauna era kau vakaukaua kina na Jiu i Papiloni me yacovi Karisito.
18 Ia qo na ka e yaco ena sucu i Jisu Karisito. Ni sa musuki oti o Meri me wati Josefa, ia ni bera ni rau vakamau, e qai vakavuna na yalo tabu+ me bukete o Meri.
19 Ia ni turaga yalododonu o Josefa na watina qai sega ni via vakamaduataki Meri, e mani nakita me sereki koya lo.+
20 Ni vakasamataka oti na ka me cakava, e qai rairai vua ena tadra na agilosi i Jiova,* e kaya: “Josefa na luvei Tevita, kua ni rere ni kauti Meri na watimu i vale, ni gone e kunekunetaka tiko e cakacaka ni yalo tabu.+
21 Ena vakasucuma e dua na gonetagane, mo vakayacani koya o Jisu,*+ ni na vakabulai ira nona tamata mai na nodra ivalavala ca.”+
22 E yaco kece na ka qo me vakayacori kina na vosa e tukuna o Jiova* vua na nona parofita ni kaya:
23 “Raica! Ena bukete e dua na goneyalewa, ena vakasucuma tale ga e dua na gonetagane, era na qai vakayacani koya me o Imanueli,”+ e kena ibalebale, “Sa Tiko Vata kei Keda na Kalou.”+
24 Ni yadra mai na moce o Josefa e cakava na ka e vakarota vua na agilosi i Jiova,* sa qai kauti watina i vale.
25 Ia e sega ni veiyacovi kei watina me yacova ni sucu na gone,+ mani vakayacani koya me o Jisu.+
iVakamacala e ra
^ Se “na Mesaia, o koya na Lumuti.”
^ Se “na ivola ni kawa.”
^ Na tama ena vosa vaKirisi e rawa ni kena ibalebale tale ga na veiwekani ena yatukawa i tamana.
^ E laurai vaka237 na yaca Jiova ena iVolatabu vaKirisi (Mac-Vta). Qo na kena imatai ena vakadewa qo. Raica na iKuri A5.
^ Tautauvata kei na yaca vakaIperiu na Yesua, se Josua, kena ibalebale “Dauveivakabulai o Jiova.”
