Maika 1:1-16
1 Na vosa i Jiova vei Maika*+ na kai Moreseci ena gauna i Jocame,+ Easi,+ kei Esekaia,+ o ratou na tui Juta,+ e raivotutaka na ka me baleti Samaria kei Jerusalemi:
2 “Moni rogoca kece na lewe ni veivanua!
Mo vakatudaliga na vuravura kei na ka e tu kina,Me nomuni ivakadinadina o Jiova na Turaga Cecere Duadua,+O Jiova mai na nona valenisoro tabu.
3 Raica! Sa lako yani o Jiova mai na nona itikotiko,Ena lako sobu o koya me butuka na veivanua cecere e vuravura.
4 Ena waicala na veiulunivanua e ruku ni yavana,+Ena waserua na veibucaMe vaka na drega* ena mata ni bukawaqa,Me vaka na savu ni wai mai baba.
5 E yaco kece qo ni talaidredre o Jekope,Ni valavala ca na vuvale ni Isireli.+
Na cava na talaidredre nei Jekope?
Sega ni o Samaria?+
Na cava na veivanua cecere nei Juta?+
Sega ni o Jerusalemi?
6 Au na vukici Samaria me ibinibini vatu ena were,Na vanua me tei kina na vaini,Au na kolotaka* sobu na kena vatu ina buca,Au na vakavotuya na kena yavu.
7 Na kena ivakatakarakara ceuti kece ena vurumemeataki,+Kei na iloloma kece e saumi kina* ena vakamai ena bukawaqa.+
Au na vakarusa na nona matakau kece.
Ni kumuni ira mai o koya ena isau ni saqamua,Ena saumi tale kina na saqamua.”
8 Ena vuku ni ka qo au na tagilagalaga kina, au na qoqolou,+Au na lako voli niu sega ni vakaivava, au luvaiwale.+
Au na qoqolou me vaka na jakoli,*Au na tagi me vaka na ositereji.
9 Ni sega ni mavo rawa na nona mavoa,+Ni sa yaco sara i Juta.+
Na kena mate sa teteva na nodra matamata na noqu tamata, i Jerusalemi.+
10 “Moni kua ni tukuna i Kaca,Moni kua sara ni tagi.
Moni veiqiqiyaki ena kuvuniqele e Peciafira.*
11 Moni lako yani ena luvaiwale kei na madua, o kemuni na lewe* i Sefiri.
Era sega ni lako yani na lewe* i Senani.
Ena ia na tagilagalaga e Pecieseli, ena kauta tani na nomuni vanua tudei.
12 Era waraka na ka vinaka o ira na lewe* i Maroci,Ia na ca e lako sobu mai vei Jiova ina matamata i Jerusalemi.
13 Moni vesuka na qiqi ina ose, kemuni na lewe* i Lakisi.+
O vakavuna me valavala ca na goneyalewa ni Saioni.
Ni laurai vei iko na talaidredre nei Isireli.+
14 O na solia gona na iloloma ni veitalatala vei Moreseci-kaca.
Na vuvale nei Ekisipi+ ena lawakitaki ira na tui Isireli.
15 Ia au na kauti koya yani na qaqa, vei kemuni+ na lewe* i Maresa.+
Ena yacovi Etulama+ sara na lagilagi nei Isireli.
16 Moni tasi, moni kotiva na ulumuni ena vukudra na luvemuni lomani.
Moni tasi me vaka na ikeli,Nira sa kau tani vakavesu vei iko.”+
iVakamacala e ra
^ Na ivakaleka ni Maikeli se Maikaia, kena ibalebale “O Cei e Vakataki Jiova?”
^ Rairai dusia na ka e bulia na oni me tawa kina na denioni, ia e waicala rawarawa.
^ Ipe., “sova.”
^ Se “na isau kece ni nona saqamua.”
^ Dua na mataqali koli kila, e ucu momoto, vutivutia na buina, e vaka na irairai ni fokisi.
^ Se “ena vuvale nei Afira.”
^ Dusi ira kece na lewenivanua me vaka e dua na yalewa.
^ Dusi ira kece na lewenivanua me vaka e dua na yalewa.
^ Dusi ira kece na lewenivanua me vaka e dua na yalewa.
^ Dusi ira kece na lewenivanua me vaka e dua na yalewa.
^ Dusi ira kece na lewenivanua me vaka e dua na yalewa.
