Maika 5:1-15
5 “O sa tavatavalaki iko tiko qo,O iko na goneyalewa o sikabotei,Eda sa viribaiti.+
Era mokuta na baluna na turaganilewa ni Isireli ena ititoko.+
2 O iko Peceliema Efiraca,+O rui lailai sara vei ira na veiudolu* e Juta,Ena lako mai vei iko na iliuliu ena matataki au e Isireli,+E vu mai liu sara o koya, mai na gauna makawa dina.
3 Ia ena soli ira yani o koyaMe yacova na gauna e vakasucu kina na yalewa taratara.
O ira na vo ni tacina era na qai lesu vei ira na Isireli.
4 Ena tucake o koya me veivakatawai ena kaukaua i Jiova,+Ena lagilagi ni yaca i Jiova na nona Kalou.
Era na bula vakacegu,+Ni na rogo o koya me yacova na iyalayala kei vuravura.+
5 Ena kauta mai o koya na vakacegu.+
Ni curuma mai na noda vanua na kai Asiria me butuka na noda valececere vakabai,+Eda na vakatura e vitu na ivakatawa me ratou valuti koya, io e walu na iliuliu ni kawatamata.
6 Era na totogitaka* na vanua o Asiria ena iseleiwau,+Kei na vanua nei Nimiroti+ ena kena matamata.
Ena vakabulai keda o koya vei Asiria,+Ni sikabotea mai na noda vanua me butuka na noda iyalayala.
7 O ira na ivovo ni Jekope era na maliwai ira e levu na lewe ni veivanuaMe vaka na tegu e solia o Jiova,Me vaka na uca e tauca na co ni vanuaE sega ni vakanuinui vua na tamataSe waraka na luve ni tamata.
8 O ira na ivovo ni Jekope era na maliwai ira na veimatanitu,Ena kedra maliwa e levu na lewe ni veivanua,Me vaka na laione e maliwai ira na manumanu ni veikau,Me vaka na luvenilaione* e maliwai ira na qelenisipi.
Ni lako yani ena toqova, ena basubasuraka,Ena sega ni dua me vakabulai ira.
9 Ena dulaki na ligamu vei ira na kemu meca,Era na vakarusai kece na kemu meca.”
10 “Ena siga oya,” e kaya o Jiova,“Au na muduki ira tani vei iko na nomu ose, au na vakarusa na nomu qiqinivalu.
11 Au na vakarusa na koro ena nomu vanua,Au na basuka na nomu veivanua vakabai kece.
12 Au na muduka na nomu vakadraunikau,Ena sega tale ni vo vei iko e dua na daucakaiba.+
13 Au na vakarusa na nomu ivakatakarakara ceuti kei na nomu duru ni sokalou e tiko vei iko,O na sega ni cuva tale ina cakacaka ni ligamu.+
14 Au na cavuraka na nomu duru ni sokalou*+ e tiko vei ikoAu na vakarusa na nomu koro.
15 Ena cudru kei na cudru levu au na totogitakiIra na veimatanitu era sega ni talairawarawa.”
iVakamacala e ra
^ Se “veimataqali.”
^ Ipe., “vakatawa.”
^ Se “luvenilaione kaukaua.”
^ Raica na iVakamacala ni Vosa.
