Maika 7:1-20
7 Isa o yau! Au sa vaka e duaNi kumuni oti na vuata ni vulaikatakataKei na tomitomi ni oti na tamusuki vuanivaini,E sega ni kunea na isoso vuanivaini me kania,E sega na lolo taumada au garova.
2 Sa yali mai vuravura na tamata yalodina,E sega ni dua na tamata e yalododonu.+
Era toka vuni kece mera vakadavedra.+
Era dui vakasasataka na tacidra ena lawa.
3 E kenadau na ligadra ena caka ca,+Na iliuliu e lavaka na ka,Na turaganilewa e taroga na isau.+
Na turaga e tukuna na ka e vinakata,*+Era nakita vata qori.
4 O koya e vinaka duadua vei ira e vaka na kau votovotoa,O koya e yalododonu sara vei ira e torosobu mai na bai wavakavotona.
Ena yaco mai nodra siga na nomu ivakatawa kei na siga mo tarogi kina.+
Ia qo era na taqaya.+
5 Moni kua ni vakabauta na nomuni itokaniSe nuitaka na itokani voleka.+
Mo qarauna na ka o tukuna vua e davo tiko e lomaseremu.
6 E beci tamana o luvena tagane,E saqati tinana o luvena yalewa,+E saqati vugona yalewa o yalewa vakawati.+
E meca ni tamata o ira na lewe ni nona vuvale.+
7 Ia o yau, au na rai tiko ga vei Jiova.+
Au na waraka tiko ga na Kalou na noqu ivakabula.+
Ena rogoci au na noqu Kalou.+
8 Mo kua ni marautaki au o iko na kequ meca.*
Au sa lutu ia au na tucake tale,Au tiko ena vanua buto ia ena noqu rarama o Jiova.
9 Au na vosota na cudru i JiovaNiu sa valavala ca vua,+Me totaki au mada qai tauca vei au na nona lewadodonu.
Ena kauti au ina rarama,Au na raica na nona yalododonu.
10 Ena raica tale ga na kequ meca,Ena madua o koya e tukuna vei au:
“I vei o Jiova na nomu Kalou?”+
Ena raici koya na mataqu.
Ena butubuturaki o koya me vaka na soso e gaunisala.
11 Na siga mo tara kina na nomu baivatuEna siga oya ena toso na iyalayala.
12 Ena siga oya era na lako yani vei ikoMai Asiria sara kei na veikoro e Ijipita,Mai Ijipita me yaco sara ina Uciwai,*Mai na wasawasa ina wasawasa, mai na ulunivanua ina ulunivanua.+
13 Ena lala na vanua ena vukudra na tiko kina,Me isau ni ka era cakava.*
14 Moni vakatawai ira na nomuni tamata ena ititoko, na qelenisipi e nomuni ivotavota,+O koya a tiko duadua ena veikau, ena loga ni kauvuata.
Mera kana e Pasani kei Kiliati+ me vaka ena gauna makawa.
15 “Me vaka ena gauna o biuta mai kina na vanua o Ijipita,Au na vakaraitaka vua na veika veivakurabuitaki.+
16 Era na raica na veimatanitu ra qai maduataka na nodra kaukaua kece.+
Era na biuta na ligadra e gusudra,Ena didivara na daligadra.
17 Era na dramica na kuvuniqele me vaka na gata,+
Me vaka na manumanu qasi ni vanua era na curu ninini mai na nodra ivunivuni.
Era na sautaninini yani vei Jiova na noda Kalou,Era na dokai kemuni.”+
18 O cei na Kalou me vakataki kemuni,Oni dau vosota na cala, oni guilecava na nodra ivalavala ca+ na ivovo ni nona ivotavota?+
Ena sega ni cudru tiko me tawamudu,Ni vinakata o koya na dei ni loloma.+
19 Ena lomani keda tale o koya,+ ena vakamalumalumutaka* na noda cala.
Oni na biuta na nodra ivalavala ca kece ina wasa titobu.+
20 Oni na yalodina vei Jekope,Ena dei na nomuni loloma vei Eparama,Me vaka oni bubuluitaka vei ira na tukai keimami ena gauna makawa.+
iVakamacala e ra
^ Se “ka e garova.”
^ Ena vosa vakaIperiu, na vosa “meca” e dusia na yalewa.
^ Oya na Uferetisi.
^ Ipe., “vua ni nodra ivalavala.”
^ Se “butuka, vakadruka.”
