Malakai 4:1-6
4 “Raica! Sa voleka mai na siga, e waqa me vaka na lovo,+ nira na vaka na vunicovuata o ira kece na viavialevu kei ira kece na vakayacora tiko na ka ca. Ena yameci ira na siga sa voleka mai,” e kaya o Jiova ni lewe vuqa,* “ena sega ni vakavoca vei ira na wakana se tabana.
2 Ia o kemuni na rokova na yacaqu ena cilavi kemuni na matanisiga ni yalododonu, salavata kei na veivakabulai ni kena rarama,* oni na ladelade me vaka na luvenibulumakau yagovinaka.”
3 “Oni na buturaki ira na tamata ca ena ruku ni yavamuni, era na vaka na kuvuniqele ena qeteqete ni yavamuni ena siga au na yavala kina,” e kaya o Jiova ni lewe vuqa.
4 “Moni nanuma na Lawa e vola o Mosese na noqu dauveiqaravi, na ivakaro kei na lewa au vakarota mai Orepi mera muria kece na Isireli.+
5 “Raica! Au sa talai Ilaija yani na parofita vei kemuni+ ena qai muri mai na siga i Jiova, e levu, e vakatubuqoroqoro.+
6 Ena vagolea na lomadra na tama vei luvedra,*+ kei na lomadra na luvedra vei tamadra, meu kua kina ni lako yani meu mokuti vuravura meu vakarusa.”
