Neumi 2:1-13
2 Sa lako cake yani vei iko* o koya na dauveivakasavi.+
Me taqomaki na vanua vakabai.
Me yadravi na gaunisala.
Vakarautaki iko,* mo vakaukauataki iko sara.
2 Ni o Jiova ena vakalesuya na lagilagi nei Jekope,Kei na lagilagi nei Isireli,Ni ravuti ira na dauravuravu,+Era vakarusa na tabadra.
3 E boro damudamu na nodra isasabai na nona tamata qaqa,Era vakaisulu kulakula na nona tamataivalu.
E waqa me vaka na yameyame ni bukawaqa na iyaya kaukamea ni nona qiqinivalu,Ena siga e vakarau vala kina,E wiricaka na moto junipa.
4 Era cici vakalialia e gaunisala na qiqinivalu.
Era cici cake era cici sobu ena vanua ni wawa ena koro.
Era serau me vaka na cina caucaudre, era tatibi me vaka na liva.
5 Ena kacivi ira na nona vakailesilesi.
Era na tacaqe nira toso yani.
Era vakusakusa ina nona bai,Era vakaduria na bai.
6 Ena tadola na matamata ni uciwai,Ena waicala* na valenitui.
7 Sa vakatulewataki oti: Sa vakaluvawaletaki o koya.
Ena kau vakavesu o koya, era na lolosi na nona yalewa bobula,Na rorogo ni domodra e vaka na ruve nira tavia na lomaseredra.
8 O Ninive+ e vaka na tobu wai ena nona gauna kece,Ia qo era sa dro.
“Moni tu vakadua! Moni tu vakadua!”
Ia e sega ni dua me raivuki.+
9 Ni yauta na siliva, ni yauta na koula!
E sega ni oti rawa na iyau.
E bini tu kina na veimataqali iyau talei.
10 Na koro sa lala, sa tu wale, sa biu tu!+
E waicala na lomadra ena rere, e kalove na durudra, e ninini na dibidra,E damudamu kece na matadra.
11 I vei na qara ni laione,+ na vanua era kana kina na luvenilaione,*Na vanua e lako kina na laione ni kauta na luvena,E sega ni dua me vakarerei ira?
12 E basubasuraka na laione na kena me rauti ira na luvena,E vakamatea na kedra na nona laione yalewa.
E vakatawana na nona qara ena kena,Na nona ivunivuni ena manumanu e basubasuraka.
13 “Raica! Au sa cudruvi iko,” e kaya o Jiova ni lewe vuqa,*+“Au na vakama na nona qiqinivalu ena kubou,+Ena vakamatei* ira na nomu luvenilaione* na iseleiwau.
Au na vakaotia na kemu e vuravura,Ena sega ni rogo tale na domodra na nomu italai.”+
iVakamacala e ra
^ Oya o Ninive.
^ Ipe., “Vakaukauataka na tolomu.”
^ Se “bale.”
^ Se “luvenilaione kaukaua.”
^ Qo na mataivalu vakalomalagi.
^ Se “kani.”
^ Se “luvenilaione kaukaua.”
