Neumi 3:1-19
3 Ena rarawa na koro dau vakadavedra!
E sinai ena veidabui kei na butako.
E tu ga na kena!
2 E rogo mai na rorogo ni kuita, na tataqiriqiri ni yavaniqiqi,Na gutuwa ni ose kei na tavaladelade ni kareti.
3 Na dauvodo ose, na tatibi ni iseleiwau, kei na taliva ni moto,Na ilala levu era vakamatei kei na ibinibini yago mate,E sega ni wili rawa na yago mate.
Era tarabe tiko ga ena yago mate.
4 Ena levu ni nona itovo vakasaqamua na saqamua,O koya e matavinaka e matamalumu, na yalewa dauvakadraudrau,E siwati ira na veimatanitu ena nona saqamua, kei na veivuvale ena nona vakadraudrau.
5 “Raica! Au sa cudruvi iko,”* e kaya o Jiova ni lewe vuqa,*+“Au na cega cake na nomu isulu me ubia na matamu,Au na vakaraitaka ina veivanua na nomu luvaiwale,Kei na nomu beci ina veimatanitu.
6 Au na viritaka vei iko na ka vakasisila,Au na cakava mo beci,Au na cakava mo vakalialiai.+
7 Era na drovaki iko+ o ira kece era raici iko, era tukuna,‘Sa rusa o Ninive!
O cei ena tagicaki koya?’
Au na kunea mai vei o ira mera vakacegui iko?
8 Vakaevei o vinaka sara vei Noamoni,*+ o koya e dabe toka ena basoga ni Naile?+
E wavokiti koya na wai,Na nona iyau na wasawasa, e nona bai na wai.
9 E nona ivurevure ni kaukaua levu o Iciopea kei Ijipita.
Erau dau vukei+ iko o Pate+ kei Lipea.
10 Ia e kau mada ga vakavesu o koya,E kau vakabobula.+
Era musumusulaki tale ga na luvena ena tutu ni sala kece.
Era vakawirimadigitaki na nona tamata dokai,Era vesu kece ena iqamuniyava na nona turaga.
11 O na mateni tale ga o iko,+O na vunitaki iko.
O na vaqara idrodro ena vukuna na meca.
12 Na nomu bainivalu kece e vaka na vunilolo kei na vuana dreu taumada,Ke kurei, ena lutu e gusudra na daukana.
13 Raica! Era vaka na yalewa na nomu mataivalu ena nomu vanua.
Ena dolavi vakalevu na matamata ni nomu vanua vei ira na kemu meca.
Ena yameca na bukawaqa na ivakadei ni nomu matamata.
14 Takiva na wai ena vuku ni viribai.+
Vakaukauataka na nomu bainivalu.
Lako sobu ina vanua lolobo mo butuka na qele,Taura na iyaya ni buli biriki.
15 Ena yameci iko mada ga e kea na bukawaqa.
Ena musuki iko e dua na iseleiwau.+
Ena yanaraki* iko me vaka na luvenivodre.+
Mo vakalevutaka na kemu iwiliwili me vakataki ira na luvenivodre!
Io mo vakalevutaka na kemu iwiliwili me vakataki ira na vodre!
16 O sa vakalevutaki ira na nomu dauveivoli me sivia na iwiliwili ni kalokalo ni lomalagi.
Na luve ni vodre e luvata na kulina qai vuka yani.
17 Era vakataki ira na vodre na nomu yadra,Era vaka na yavusa vodre na nomu sotiaEra keba ena qara vatu ena siga batabata.
Ia ni cila na siga era vuka tani,E sega ni kilai na vanua era lako kina.
18 “Era sosovu na nomuni ivakatawa, kemuni na tui Asiria.
Era toka ga ena nodra vale na nomuni turaga.
Era veiseyaki na nomuni tamata ena veiulunivanua,E sega ni dua me kumuni ira vata.+
19 Oni sega ni vakabulai mai na nomuni leqa.
Sa sega ni mavo rawa na nomuni mavoa.
Era na vakasausau e ligadra o ira na rogoca na kemuni itukutuku.+
O cei e sega ni rarawa ena nomuni dau veivakacacani?”+
