Niemaia 1:1-11
1 Na vosa i Niemaia*+ na luvei Akalaia: Ena vula o Kisiliu* ena ika20 ni yabaki au a tiko mai Susani*+ na vanua viribaiti.*
2 Ena gauna oya e lako mai o Ananai+ e dua na taciqu kei na so na turaga mai Juta, au qai tarogi ratou me baleti ira na vo ni Jiu era bula mai na nodra tu vakavesu,+ au tarogi Jerusalemi tale ga.
3 Eratou kaya: “Era rarawa sara tu ga ra qai vakamaduataki o ira na vo tiko ena yasana era bula mai na nodra tu vakavesu.+ Sa basuraki na bai kei Jerusalemi,+ sa vakamai ena bukawaqa na kena matamata.”+
4 Niu rogoca ga na vosa qori, au dabe sobu au tagi, au lolosi me vica na siga, au lolo tiko ga,+ au masu tiko vua na Kalou ni lomalagi.
5 Au kaya: “Isa Jiova na Kalou ni lomalagi, na Kalou cecere qai vakatubuqoroqoro, oni daudina ena nomuni veiyalayalati, e dei tale ga nomuni loloma vei ira era lomani kemuni ra qai muria tiko na nomuni ivakaro,+
6 yalovinaka me rogo na daligamuni, me rai na matamuni moni rogoca na masu ni nomuni tamata au masuti kemuni kina nikua, ena siga kei na bogi,+ me baleti ira na nomuni dauveiqaravi na Isireli, niu vakatusa tiko na nodra ivalavala ca na lewe i Isireli era cala vei kemuni. Keimami sa valavala ca, o yau kei na vuvale i tamaqu.+
7 Keimami cakacaka dina vakailawaki vei kemuni+ ni keimami sega ni muria na nomuni ivakaro, na nomuni lawa, kei na nomuni lewa oni solia vei Mosese+ na nomuni dauveiqaravi.
8 “Yalovinaka moni nanuma na vosa oni vakaroti* Mosese kina na nomuni dauveiqaravi: ‘Ke oni tawayalodina au na vakasavi kemuni vei ira na lewe ni veivanua.+
9 Ia ke oni lesu mai vei au moni muria na noqu ivakaro moni vakayacora sara, ni oni vakasavi mada ga ina iyalayala kei lomalagi, au na kumuni kemuni+ mai kea meu kauti kemuni ina vanua au sa digia me tiko kina na yacaqu.’+
10 Era nomuni dauveiqaravi, era nomuni tamata oni vakabulai ira ena nomuni kaukaua levu kei na ligamuni kaukaua.+
11 Kemuni Jiova, yalovinaka me rogoca na daligamuni na masu ni nomuni tamata kei na nodra masu na nomuni dauveiqaravi era vinakata mera doka na yacamuni, au kerea tale ga moni vakayacora nikua na ka e kerea na nomuni tamata, me lomani au mada ga na turaga qo.”+
Au dau kauta na mena na tui.+
iVakamacala e ra
^ Kena ibalebale “Veivakacegui o Ja.”
^ Raica na iKuri B15.
^ Se “Susa.”
^ Se “na valenitui, koronivalu.”
^ Se “na ivakasala oni tukuna vei.”
