Niemaia 10:1-39
10 Qo o ira na vakadinadinataka ra qai dregata na ivola:+
O Niemaia na kovana,* na luvei Akalaia,Kei Setekaia,
2 o Siraia, o Asaraia, o Jeremaia,
3 o Pasuri, o Amaraia, o Malikaia,
4 o Atusi, o Sipanaia, o Maluki,
5 o Erimi,+ o Meremoce, o Opetaia,
6 o Taniela,+ o Kiniconi, o Peruki,
7 o Mesulame, o Apaija, o Maijamini,
8 o Measaia, o Pilikai kei Semaia, qo o ira na bete.
9 O ira tale ga na Livai: o Jesua na luvei Esanaia, o Punui na luvei Enatati, o Katimieli,+
10 kei ira na tacidratou o Sipanaia, o Otaia, o Kilita, o Pelaia, o Anani,
11 o Mika, o Riopi, o Esapaia,
12 o Sakuri, o Serepaia,+ o Sipanaia,
13 o Otaia, o Pani kei Peninu.
14 Na nodra turaga na lewenivanua: o Parosi, o Peaci-moapi,+ o Ilama, o Satu, o Pani,
15 o Puni, o Asikati, o Pepai,
16 o Atonaija, o Pikivai, o Atini,
17 o Ateri, o Esekaia, o Asura,
18 o Otaia, o Asumi, o Pisai,
19 o Arifi, o Anacoci, o Nepai,
20 o Makipiase, o Mesulame, o Esiri,
21 o Mesesapeli, o Setoki, o Jatua,
22 o Pilataia, o Anani, o Anaia,
23 o Osia, o Enanaia, o Asupi,
24 o Aloesi, o Pilia, o Sopeki,
25 o Ruimi, o Esapina, o Mesea,
26 o Eaija, o Anani, o Enani,
27 o Maluki, o Erimi, o Pena.
28 O ira na vo ni lewenivanua, o ira na bete, o ira na Livai, o ira na ivakatawa ni matamata, o ira na daulagasere, o ira na dauveiqaravi ena valenisoro,* kei ira kece era tawasei ira vei ira na lewe ni veivanua mera muria na Lawa ni Kalou dina,+ na watidra, na luvedra tagane, kei na luvedra yalewa, o ira kece era kila qai macala vei ira,*
29 era tomani ira na tacidra, na nodra turaga, era bolea mera cudruvi ke ra sega ni muria na ka era bubuluitaka, oya mera muria na Lawa ni Kalou dina e soli vei Mosese na dauveiqaravi ni Kalou dina, mera muria vinaka na ivakaro kece i Jiova na noda Turaga, na nona lewa kei na nona lawa.
30 Eda na sega ni soli ira na luveda yalewa vei ira na lewe ni veivanua, eda na sega ni kauta na luvedra yalewa me watidra na luveda tagane.+
31 Ke ra kauta mai na lewe ni veivanua na nodra iyaya kei na veimataqali covuata mera volitaka ena Siga ni Vakacecegu, eda na sega ni volia vei ira e dua na ka ena Siga ni Vakacecegu+ se dua na siga tabu.+ Eda na sega ni tatamusuki ena ikavitu ni yabaki,+ eda na bokoca na dinau+ kece.
32 Meda vakatulewataka tale ga na ka meda dui solia, e dua na ikatolu ni sikeli* e veiyabaki me baleta na qaravi ni vale* ni noda Kalou,+
33 me baleta na madrai yatuni,*+ na isoro kakana e cabori wasoma,+ na isoro kama e cabori wasoma ena Siga ni Vakacecegu,+ ena vula vou,+ ena soqo lokuci,+ me baleta na veika tabu, na isoro ni ivalavala ca+ mera vosoti kina na Isireli, me baleta tale ga na cakacaka kece ena vale ni noda Kalou.
34 Meda vakawirimadigitaka tale ga na levu ni buka mera kauta na bete, o ira na Livai, kei ira na lewenivanua me vaka na mataqali nei tamada, ina vale ni noda Kalou ena gauna lokuci e veiyabaki me waqari ena icabocabonisoro i Jiova na noda Kalou, me vaka na ka e volai ena Lawa.+
35 Eda na kauta tale ga ina vale i Jiova+ ena veiyabaki na isevu ni vuata matua ni noda qele kei na isevu ni vuata matua ni veimataqali kau,
36 vaka kina na noda ulumatua tagane kei na noda manumanu+ me vaka e volai ena Lawa, kei na ulumatua ni noda bulumakau kei na noda sipi. Eda na kauta ina vale ni noda Kalou, vei ira na bete era veiqaravi tiko ena vale ni noda Kalou.+
37 Na isevu tale ga ni noda falawa matailelevu,+ na noda cau kei na vua ni veimataqali kau,+ na waini vou kei na waiwai+ meda kauta vei ira na bete ina rumuniyau* ena vale ni noda Kalou,+ kei na ikatini ni ka e rawati ena noda qele me kau vei ira na Livai, nira dau taura na Livai+ na ikatini ni ka mai na iteitei kece ni noda koro.
38 Ia na bete na luvei Eroni, me tiko vata kei ira na Livai ena gauna era taura kina na Livai na ikatini, o ira na Livai mera cabora na ikatini ni ikatini ina vale ni noda Kalou,+ ena rumu* ena loma ni valeniyau.
39 Mera kauta na Isireli kei na luvedra na Livai na cau+ ni covuata, na waini vou, kei na waiwai+ ina rumuniyau,* na vanua e tiko kina na iyaya ni tikina tabu, era veiqaravi tiko kina na bete, o ira na ivakatawa ni matamata, kei ira na daulagasere. Eda na sega ni vakawalena na vale ni noda Kalou.+
iVakamacala e ra
^ Se “Tiriseica,” na icavuti vakaPerisia ni kovana ena dua na yasana.
^ Se “na Necinimi.” Ipe., “o ira na soli.”
^ Se rawa ni, “o ira kece na rawa ni kila.”
^ Dua na sikeli e tautauvata kei na 11.4 na karamu (0.367 na onisi). Raica na iKuri B14.
^ Se “valenisoro.”
^ Oya na madrai dauraici.
^ Se “valenikana.”
^ Se “valenikana.”
^ Se “valenikana.”
