Niemaia 12:1-47
12 Qo o ira na bete kei ira na Livai era lako vata cake kei Serupepeli+ na luvei Salacieli+ kei Jesua:+ o Siraia, o Jeremaia, o Esera,
2 o Amaraia, o Maluki, o Atusi,
3 o Sekanaia, o Ruimi, o Meremoce,
4 o Ito, o Kinico, o Apaija,
5 o Maijamini, o Matia, o Pilika,
6 o Semaia, o Joiaripi, o Jitaia,
7 o Salu, o Amoki, o Ilikaia, kei Jitaia. Qo na nodra iliuliu na bete kei na tacidra ena gauna i Jesua.
8 O ira na Livai, o Jesua, o Punui, o Katimieli,+ o Serepaia, o Juta, o Matanaia+ e liutaka na lagati ni sere ni vakavinavinaka, o koya kei ira na tacina.
9 E duri donui ira o Pakipukia kei Uni na tacidra ni rau yadra tiko.*
10 O Jesua na tamai Joiakimi, o Joiakimi na tamai Iliasipi,+ o Iliasipi na tamai Joiata.+
11 O Joiata na tamai Jonacani, o Jonacani na tamai Jatua.
12 Qo o ira na bete ena gauna i Joiakimi, era turaga ni mataqali nei tamadra: e matataki Siraia+ o Miraia, e matataki Jeremaia o Enanaia,
13 e matataki Esera+ o Mesulame, e matataki Amaraia o Jionanai,
14 e matataki Malukai o Jonacani, e matataki Sipanaia o Josefa,
15 e matataki Erimi+ o Etina, e matataki Miraoci o Elikai,
16 e matataki Ito o Sakaraia, e matataki Kiniconi o Mesulame,
17 e matataki Apaija+ o Sikiri, e matataki Miniamini o . . . ,* e matataki Moataia o Pilitai,
18 e matataki Pilika+ o Samua, e matataki Semaia o Jionacani,
19 e matataki Joiaripi o Matinai, e matataki Jitaia+ o Usai,
20 e matataki Salai o Kalai, e matataki Amoki o Iperi,
21 e matataki Ilikaia o Esapaia, e matataki Jitaia o Nicaneli.
22 O ira na turaga ni mataqali nei tamadra na Livai ena gauna i Iliasipi, o Joiata, o Joenani, kei Jatua+ era volai, vaka kina o ira na bete, me yacova ni veiliutaki o Taraiasi na turaga ni Perisia.
23 Era volai ena ivola ni itukutuku ni gauna oya o ira na Livai era turaga ni mataqali nei tamadra me yacova na gauna i Joenani na luvei Iliasipi.
24 Na nodra iliuliu na Livai o Esapaia, o Serepaia, o Jesua+ na luvei Katimieli,+ era duri donui ratou na tacidratou mera veivakacaucautaki, mera vakavinavinaka nira veivolekati tiko na matayadra me vaka na ivakaro i Tevita+ na tamata ni Kalou dina.
25 Eratou yadrava tiko na matamata o Matanaia,+ o Pakipukia, o Opetaia, o Mesulame, o Talimoni, kei Akupi,+ eratou yadrava+ tiko na valeniyau volekata na matamata.
26 Era veiqaravi ena gauna i Joiakimi na luvei Jesua+ na luvei Josataki, kei na gauna i Niemaia na kovana kei Esera+ na bete, na vunivola.*
27 Ena gauna me vakatabui kina na bai e Jerusalemi, era vaqarai ira na Livai mera kau mai na vanua kece era tiko kina mera kau i Jerusalemi mera lai soqova na vakatatabu nira marau salavata kei na sere ni vakavinavinaka,+ kei na sibali, na ivakatagi vakawa kei na api.
28 Era kumuni vata na luvedra na daulagasere* mai na yasana,* mai na vanua taucoko vakavolivoliti Jerusalemi, mai na nodra itikotiko na kai Nitofa,+
29 mai Peci-kilikali,+ mai na vanua o Kipa+ kei Asimavece,+ nira tara na nodra itikotiko o ira na daulagasere ena veiyasa i Jerusalemi kece.
30 Era vakasavasavataki ira na bete kei ira na Livai, era vakasavasavataki ira na lewenivanua,+ na matamata+ kei na bai.+
31 Au qai kauti ira cake na turaga ni Juta ena delanibai. Au lesia tale ga e rua na matasere lelevu ni vakavinavinaka kei na ilala me salavata kei ira, e dua me lako ina imatau ena delanibai me gole ina Matamata ni iBenubenu.+
32 E muri ira yani o Osaia kei na dua na iwase ni turaga ni Juta,
33 vaka kina o Asaraia, o Esera, o Mesulame,
34 o Juta, o Penijamini, o Semaia kei Jeremaia.
35 E tomani ira eso na luvedra na bete era vakabiukila:+ o Sakaraia na luvei Jonacani na luvei Semaia na luvei Matanaia na luvei Maikaia na luvei Sakuri na luvei Esafa,+
36 kei ratou na tacina o Semaia, o Esareli, o Milelai, o Kilelai, o Mai, o Nicaneli, o Juta kei Ananai, kei na iyaya ni lagasere nei Tevita+ na tamata ni Kalou dina, e liutaki ira o Esera,+ na vunivola.
37 Nira donuya na Matamata ni iKeliniwai,+ era muria cake na iKabakaba+ ni Koro i Tevita+ nira cabeta na bai e toka e cake ena Vale i Tevita, me yacova sara na Matamata ni Wai+ ena tokalau.
38 E lako ena yasana kadua* e dua tale na matasere ni vakavinavinaka, au muri ira tiko yani kei na dua na iwase ni lewenivanua ena delanibai, era lakosivita na Valececere ni Ovani+ me dewa yani ina Bai Raba,+
39 era lakosivita na Matamata nei Ifireimi,+ dewa ina Matamata ni Koro Makawa+ yacova yani na Matamata ni Ika,+ na Valececere i Ananeli,+ na Valececere i Mea, dewa yani ena Matamata ni Sipi,+ ra qai tu vakadua ena Matamata ni Yadra.
40 Oti rau qai mai tu vakadua na matasere ni vakavinavinaka ena vale ni Kalou dina, vaka kina o yau kei na dua na iwase ni ivukevuke ni turaga era tiko vata kei au,
41 kei ira na bete, o Eliakimi, o Mesea, o Miniamini, o Maikaia, o Elioenai, o Sakaraia kei Enanaia, eratou vakabiukila,
42 o Mesea, o Semaia, o Eliesa, o Usai, o Jionanai, o Malikaia, o Ilama kei Esa. Era lagasere vakadomoilevu o ira na daulagasere ni liutaki ira o Isiraia.
43 Era qai cabora e levu sara na isoro ena siga oya mera marau,+ ni vakavuna na Kalou dina mera marau ena marau+ levu. Era marau tale ga na yalewa kei ira na gone, mani rogo yawa sara na nodra marau+ e Jerusalemi.
44 Era lesi ena siga oya na tagane mera lewa na valeniyau+ e dau maroroi kina na cau,+ na isevu+ kei na ikatini.+ Mera kumuna kina na ivotavota mai na were ni koro e vakaroti ena Lawa+ me nodra na bete kei ira na Livai+ nira marautaka na lewe i Juta na nodra veiqaravi na bete kei ira na Livai.
45 Era qarava sara na nodra itavi vua na Kalou kei na nodra itavi ni veivakasavasavataki, vaka kina o ira na daulagasere kei ira na ivakatawa ni matamata me vaka na ivakaro i Tevita kei na luvena o Solomoni.
46 E liu ena gauna i Tevita kei Esafa, e tiko na nodra iliuliu na daunisere kei na sere ni vakacaucau kei na vakavinavinaka vua na Kalou.+
47 Ena gauna i Serupepeli+ kei na gauna i Niemaia era solia na Isireli taucoko na nodra ivotavota na daulagasere+ kei ira na ivakatawa ni matamata+ me vaka na ka e vinakati e veisiga. Era wasea tale ga na nodra ivotavota na Livai,+ ra qai wasea na Livai na nodra ivotavota na kawa i Eroni.
iVakamacala e ra
^ Se rawa ni, “gauna ni soqo.”
^ E boko eke e dua na yaca ena ivola vakaIperiu.
^ Kena vosa vakaIperiu era okati kina na lavetaka na Lawa kei na so na tiki ni iVolatabu.
^ Se “o ira na daulagasere era vakavulici.”
^ Oya na yasayasa wavokita na Joritani.
^ Se “donuya.”
