Niemaia 13:1-31
13 A wiliki ena siga oya na ivola a soli vei Mosese mera rogoca na lewenivanua,+ e volai tu kina mera kua sara ga ni curu na Amoni se o ira na kai Moapi+ ina ivavakoso ni Kalou dina,+
2 nira sega ni vakacegui ira na Isireli ena madrai kei na wai, ia era saumi Pelami me vosavakacacataki+ ira. E qai veisautaka na noda Kalou na nona vosavakacaca me vosa ni veivakalougatataki.+
3 Nira rogoca ga na Lawa, era tawasei ira sara na kawa vulagi*+ mai vei ira na Isireli.
4 Ni bera qo, e lewa tiko na rumuniyau* ni vale* ni noda Kalou+ o Iliasipi+ na bete, e wekai Topaia.+
5 E qai cakava e dua na nona rumuniyau* levu, na vanua era dau binia kina e liu na isoro kakana, na drega boivinaka kei na iyaya, na ikatini ni covuata, na waini vou kei na waiwai+ me nodra na Livai,+ o ira na daulagasere, kei ira na ivakatawa ni matamata, vaka kina na cau me nodra na bete.+
6 Ena gauna kece qo au sega ni tiko e Jerusalemi, niu a lako vua na tui ena ika32 ni yabaki+ i Tui Atakisekise+ e Papiloni; ena dua na gauna e muri au kerea vua na tui me vakadonuya meu gade mada.
7 Niu yaco yani i Jerusalemi au raica sara na ka ca e vakayacora o Iliasipi+ ena vuku i Topaia+ ni vakarautaka e dua na rumuniyau me nona ena raranivale ni Kalou dina.
8 Au sega sara ga ni taleitaka qo, au mani kolotaka i tautuba ni rumuniyau* na iyaya ni vale kece i Topaia.
9 Oti oya au vakarota mera vakasavasavataka na rumuniyau* au qai biuta lesu kina na iyaya ni vale ni Kalou dina,+ vaka kina na isoro kakana kei na drega boivinaka.+
10 Au kila tale ga ni sega ni soli vei ira+ na Livai+ na nodra ivotavota, era mani dui lako ina nodra vanua+ na Livai kei ira na daulagasere era veiqaravi tiko.
11 Au vunauci ira sara na ivukevuke ni turaga,+ au kaya: “Na cava sa vakawaleni kina na vale ni Kalou dina?”+ Au qai kumuni ira vata mai au vakalesui ira ena vanua mera veiqaravi kina.
12 Era kauta yani na Juta kece na ikatini+ ni covuata, na waini vou kei na waiwai ina valeniyau.+
13 Au qai lesi Selemaia na bete, o Setoki na vunivola,* kei Petaia na Livai me ratou lewa na valeniyau, e vukei ratou kina o Anani na luvei Sakuri na luvei Matanaia, ni nanumi ni ratou tamata nuitaki. E nodratou itavi me ratou wasewasea na ka vei ira na tacidratou.
14 Moni nanumi au+ kemuni na noqu Kalou ena vuku ni ka qo, moni kua ni guilecava na dei ni noqu lomana na vale ni noqu Kalou kei na noqu cuqena na kena cakacaka.+
15 Ena gauna oya au raici ira na Juta nira butuka tiko na ikeliniwaini ena Siga ni Vakacecegu,+ era kauta mai na ibinibini covuata mera vakavodoka ena asa, era kauta mai na waini, na vuanivaini, na lolo kei na veimataqali ikaukau mera kauta i Jerusalemi ena Siga ni Vakacecegu.+ Au qai vunauci ira mera kua ni volivolitaki ena siga oya.*
16 O ira na kai Taia era tiko ena koro era kauta tiko mai na ika kei na veimataqali ivoli mera volitaka vei ira e Juta kei Jerusalemi ena Siga ni Vakacecegu.+
17 Au mani vunauci ira na turaga ni Juta, au kaya vei ira: “Na cava oni vakayacora tiko kina na ka ca qo moni beca na Siga ni Vakacecegu?
18 Vakaevei, era sega ni cakava qo na tukamuni me kauta mai kina vei keda na noda Kalou na ka ca kece qo, vaka kina ina koro qo? Ia oni kuria ga na nona cudruvi o Isireli ni oni beca tiko na Siga ni Vakacecegu.”+
19 Ni sa buto ga na matamata e Jerusalemi ni bera na Siga ni Vakacecegu, au vakarota me sogo na katuba. Au tukuna tale ga mera kua ni dolava me oti mada na Siga ni Vakacecegu, au lesia eso na noqu dauveiqaravi mera tiko ena matamata me kua ni dua na ikaukau me kau mai loma ena Siga ni Vakacecegu.
20 Era moce gona vakadua se vakarua ena taudaku kei Jerusalemi na dauveivoli kei ira na dauvolitaka na veimataqali ivoli.
21 Au qai vunauci ira, au kaya: “Na cava oni moce tiko kina ena mata ni bai? Ke oni cakava tale qori au na vakasaurarataki kemuni.” Tekivu mai na gauna oya era sega tale ni lako mai ena Siga ni Vakacecegu.
22 Au qai tukuna vei ira na Livai mera vakasavasavataki ira wasoma, mera lako mai mera yadrava na matamata me vakatabui kina na Siga ni Vakacecegu.+ Moni nanumi au tale ga ena ka qo kemuni na noqu Kalou, moni yalololoma vei au me vaka na dei ni nomuni loloma levu.+
23 Ena gauna oya au raica tale ga eso na Jiu nira vakawatitaki* ira na yalewa+ ni Asoto,+ Amoni kei ira na Moapi.+
24 E veimama na luvedra era vosa vakaAsoto kei na dua tale na veimama ena nodra vosa na lewe ni veivanua, ia e sega ni dua vei ira e kila na nodra vosa na Jiu.
25 Au mani vunauci ira, au cudruvi ira, au mokuta eso,+ au vutia tale ga na uludra mera bubului vua na Kalou: “Moni kua ni solia na luvemuni yalewa vei ira na luvedra tagane, moni kua ni vakadonuya na luvedra yalewa me nodra na luvemuni tagane se me nomuni.+
26 A sega ni valavala ca ena ka qo o Tui Solomoni e Isireli? E sega ni dua na tui e vakataki koya+ ena veimatanitu. A lomani koya na nona Kalou,+ mani buli koya na Kalou me tui e Isireli taucoko. Ia era vakavuna na watina vulagi me valavala ca.+
27 E sega sara ga ni vakabauti moni vakayacora tu na ivalavala ca levu qo moni tawayalodina vua na noda Kalou ni oni vakawatitaki ira na yalewa vulagi,+ se vakaevei?”
28 E dua na luvena tagane o Joiata+ na luvei Iliasipi+ na bete levu e vugoi Sainivalati+ na kai Oroneimi. Au mani cemuri koya tani.
29 Moni nanumi ira kemuni na noqu Kalou, nira sa vakadukadukalitaka na veiqaravi vakabete, kei na veiyalayalati ni veiqaravi vakabete+ kei ira na Livai.+
30 Au vakasavasavataki ira sara mai na ka dukadukali kece ni vanuatani, au qai lesia na nodra itavi na bete kei ira na Livai ena nodra dui cakacaka,+
31 au tukuna tale ga me vakarautaki na buka+ ena kena gauna kei na isevu ni vuata matua.
Moni nanumi au kemuni na noqu Kalou+ meu vinaka kina.
iVakamacala e ra
^ Se “kawa duikaikai.”
^ Se “valenikana.”
^ Se “valenisoro.”
^ Se “valenikana.”
^ Se “valenikana.”
^ Se “valenikana.”
^ Kena vosa vakaIperiu era okati kina na lavetaka na Lawa kei na so na tiki ni iVolatabu.
^ Se rawa ni, “vunauci ira ena siga oya mera kua ni volivolitaki.”
^ Se “kauta ina nodra vale.”
