Niemaia 3:1-32
-
Tara tale na bai (1-32)
3 E tucake o Iliasipi+ na bete levu kei ira na tacina, o ira na bete, mera tara na Matamata ni Sipi.+ Era vakatabuya+ ra qai vakaduria na kena katuba, era vakatabuya me yacova yani na Valececere i Mea+ me yacova sara na Valececere i Ananeli.+
2 E taravi ira mai o ira na lewe i Jeriko+ mera tara na bai, e taravi ira ena tara bai o Sakuri na luvei Imiri.
3 Era tara na Matamata ni Ika+ na luvei Asena, era vakautaka+ ra qai vakaduria na kena katuba, na kena bolu, kei na kena ivakadei.
4 E taravi ira ena vakavinakataki ni bai o Meremoce+ na luvei Uraija na luvei Akose, e taravi ira ena vakavinakataki ni bai o Mesulame+ na luvei Perekaia na luvei Mesesapeli, e taravi ira ena vakavinakataki ni bai o Setoki na luvei Pana.
5 E taravi ira ena vakavinakataki ni bai o ira na kai Tikoa,+ ia era sega ni vakamalumalumu* na nodra turaga mera vakaitavi ena cakacaka ni nodra iliuliu.
6 Erau vakavinakataka na Matamata ni Koro Makawa+ o Joiata na luvei Pasea kei Mesulame na luvei Pesotaia, erau vakautaka, rau qai vakaduria na kena katuba, na kena bolu, kei na kena ivakadei.
7 E taravi rau ena vakavinakataki ni bai o Meletaia na kai Kipioni+ kei Jatoni na kai Meronoci, erau turaga ni Kipioni kei Misipa,+ erau vakarorogo ina lewa* ni kovana ena yasayasa ni Tai ni Uciwai.*+
8 E taravi rau ena vakavinakataki ni bai o Usieli na luvei Area, e dua na matai ni koula, e taravi koya ena vakavinakataki ni bai o Enanaia e dua vei ira na dau caka waiwai,* rau qai tuva na vatu rabaraba e Jerusalemi me yacova yani na Bai Raba.+
9 E taravi rau ena vakavinakataki ni bai o Rifaya na luvei Ure, e lewa na veimama ni yasana o Jerusalemi.
10 E taravi rau ena vakavinakataki ni bai o Jitaia na luvei Erumafi ena mata ga ni nona vale, e taravi koya ena vakavinakataki ni bai o Atusi na luvei Esapinaia.
11 O Malikaia na luvei Erimi+ kei Asupi na luvei Peaci-moapi+ erau vakavinakataka e dua tale na yasana,* vaka kina na Valececere ni Ovani.+
12 E taravi rau ena vakavinakataki ni bai o Salumi na luvei Aloesi, e lewa tiko na veimama ni yasana o Jerusalemi, o koya kei ratou na luvena yalewa.
13 O Anuni kei ira na lewe i Sanoa+ era vakavinakataka na Matamata ni Buca,+ era tara ra qai vakaduria na kena katuba, na kena bolu, kei na kena ivakadei, era vakavinakataka tale ga e 1,000 na kiupiti* na bai me yacova na Matamata ni iBenubenu.+
14 E vakavinakataka na Matamata ni iBenubenu o Malikaia na luvei Rekapi, e lewa tiko na yasana o Peci-akerimi,+ e tara, e vakaduria na kena katuba, na kena bolu, kei na kena ivakadei.
15 E vakavinakataka na Matamata ni iKeliniwai+ o Saluni na luvei Koliose, e lewa tiko na yasana o Misipa,+ e tara, e vakadelavuvutaka, e vakaduria na kena katuba, na kena bolu, kei na kena ivakadei, e vakavinakataka tale ga na bai ni Tobu+ ni iKelimusu e gole ina nona Basenikau na Tui+ me yacova sara na iKabakaba+ e gole sobu mai na Koro i Tevita.+
16 E taravi koya o Niemaia na luvei Asipuki, e lewa tiko na veimama ni yasana o Pecisuri,+ me vakavinakataka na bai mai na mata ni iBulubulu i Tevita,*+ me yacova na tobu+ sa caka oti, me yacova sara na nodra Vale na Qaqa.
17 E taravi koya ena vakavinakataki ni bai o ira na Livai: o Ruimi na luvei Pani, e taravi koya ena vakavinakataki ni bai o Esapaia, e lewa tiko na veimama ni yasana o Kila.+
18 E taravi koya ena vakavinakataki ni bai o ira na tacina: o Pavai na luvei Enatati, e lewa tiko na veimama ni yasana o Kila.
19 E taravi koya o Esa na luvei Jesua,+ na turaga ni Misipa me vakavinakataka e dua tale na yasa ni bai e gole cake ina Valeniyaragi donuya na Duru.+
20 E taravi koya o Peruki na luvei Sapei,+ e cakacaka vagumatua me vakavinakataka e dua tale na yasana, oya mai na Duru me yacova na matamata ni vale nei Iliasipi+ na bete levu.
21 E taravi koya o Meremoce+ na luvei Uraija na luvei Akose, e vakavinakataka e dua tale na yasana, oya mai na matamata ni vale nei Iliasipi me yacova sara na tutu ni vale nei Iliasipi.
22 Era taravi koya na bete mera vakavinakataka na bai, o ira mai na yasayasa na Joritani.*+
23 E taravi ira o Penijamini kei Asupi me rau vakavinakataka na bai ena mata ni nodrau dui vale. E taravi rau o Asaraia na luvei Mesea na luvei Ananaia me vakavinakataka na bai volekata na nona vale.
24 E taravi koya o Punui na luvei Enatati me vakavinakataka e dua tale na yasana, oya mai na vale i Asaraia me yacova na Duru,+ me yacova yani na tutuna.
25 E taravi koya o Palali na luvei Usei me vakavinakataka na bai ena mata ni Duru kei na valececere donuya na Vale ni Tui,+ oya na kena e tiko e cake ena Raranivale ni Yadra.+ E taravi koya o Petaia na luvei Parosi.+
26 O ira na dauveiqaravi ena valenisoro*+ era vakaitikotiko e Ofeli,+ era vakavinakataka na bai me yacova yani na mata ni Matamata ni Wai+ ena tokalau kei na valececere e coka toka mai tuba.
27 E taravi ira mai o ira na kai Tikoa+ mera vakavinakataka e dua tale na yasana, oya mai na valececere levu e coka toka mai tuba me yacova yani na bai e Ofeli.
28 Era vakavinakataka na bete na yasana e cake ni Matamata ni Ose,+ ena mata ni nodra dui vale.
29 E taravi ira ena vakavinakataki ni bai o Setoki+ na luvei Ima ena mata ga ni nona vale.
E taravi koya ena vakavinakataki ni bai o Semaia na luvei Sekanaia, na ivakatawa ni Matamata ena Tokalau.+
30 E taravi koya o Enanaia na luvei Selemaia kei Anuni na ikaono ni luvei Salafi me rau vakavinakataka e dua tale na yasana.
E taravi koya o Mesulame+ na luvei Perekaia ena vakavinakataki ni bai donuya na nona vale.*
31 E taravi koya o Malikaia e dua vei ira na matai ni koula, me vakavinakataka na bai me yacova na nodra vale na dauveiqaravi ena valenisoro*+ kei ira na dauveivoli donuya na Matamata o Mifikati, me yacova sara na rumu ena tabavale e cake e tutuna.
32 O ira na matai ni koula kei ira na dauveivoli era vakavinakataka na bai ena tadrua ni rumu ena tabavale e cake e tutuna kei na Matamata ni Sipi.+
iVakamacala e ra
^ Ipe., “sega ni solia na domodra.”
^ Se “Tai ni Uferetisi.”
^ Ipe., “yacova na itikotiko vakaturaga ni.”
^ Se “dau caka isaluaki.”
^ Se “iwase ni bai.”
^ Rauta ni 445 na mita (1,460 na fiti). Raica na iKuri B14.
^ Kena irairai ni qo na ibulubulu nei Tevita kei ira na tui Juta.
^ Se rawa ni, “yasayasa voleka.”
^ Se “na Necinimi.” Ipe., “o ira na soli.”
^ Se “rumu.”
^ Se “na Necinimi.” Ipe., “o ira na soli.”
