Osea 1:1-11
1 Na vosa i Jiova e tukuna vei Osea* na luvei Pieri, ena gauna i Usaia,+ Jocame,+ Easi,+ kei Esekaia,+ o ratou na tui Juta,+ vaka kina ena gauna i Jerepoami+ na luvei Joasi,+ na tui Isireli.
2 E tekivu vosa o Jiova vei Osea, e kaya o Jiova vei Osea: “Lai vakawatitaka e dua na yalewa saqamua* me so kina na luvemu ni sala, nira vakanadakui Jiova sara ga na lewenivanua ena nodra saqamua.”+
3 E mani lako o koya me vakawatitaki Komera na luvei Tipilemi, e kunekune o koya, e vakasucuma sara e dua na luvena tagane.
4 E kaya o Jiova vei Osea: “Mo vakayacani koya me o Jesirieli,* ni na sega ni dede au na taroga na nona vakadavedra o Jesirieli* ena vuvale i Jeu,+ au na qai tinia na veiliutaki vakatui ena vuvale ni Isireli.+
5 Ena siga oya au na musuka na dakaititi nei Isireli ena Buca o Jesirieli.”
6 E kunekune tale o Komera e vakasucuma e dua na luvena yalewa. E kaya na Kalou vei Osea: “Mo vakayacani koya me o Loruama,* niu na sega tale ni lomana+ na vuvale ni Isireli, niu na cemuri ira tani sara ga.+
7 Ia au na lomana na vuvale ni Juta,+ au na vakabulai ira ena liga i Jiova na nodra Kalou,+ au na sega ni vakabulai ira ena dakaititi, se na iseleiwau, se na ivalu, se na ose, se o ira na dauvodo ose.”+
8 Ni kali Loruama oti o Komera, e kunekune tale mani vakasucuma e dua na luvena tagane.
9 E qai kaya na Kalou: “Mo vakayacani koya me o Loami,* ni oni sega ni noqu tamata, au na sega ni nomuni.
10 “Na kedra iwiliwili na lewe* i Isireli ena vaka na mataninuku ni wasawasa e sega ni vakarautaki se wili rawa.+ Na vanua e tukuni vei ira, ‘Oni sega ni noqu tamata,’+ ena tukuni vei ira, ‘Oni luve ni Kalou bula.’+
11 Era na soqoni vata na lewe i Juta kei ira na Isireli mera duavata,+ era na digitaka e dua na nodra iliuliu ra qai biuta na vanua, ni na siga bibi qo vei Jesirieli.+
iVakamacala e ra
^ Na ivakaleka ni Osaia, kena ibalebale “Vakabula o Ja, Veivakabulai o Ja.”
^ Se “dau veibutakoci.”
^ Na korolevu vakaturaga era vakaitikotiko kina na tui Isireli ena vualiku, ia nodra koroturaga o Samaria. Raica 1Tu 21:1.
^ Kena ibalebale “Na Kalou ena Kaburaka na Sorenikau.”
^ Kena ibalebale “Sega ni Lomani.”
^ Kena ibalebale “Sega ni Noqu Tamata.”
^ Ipe., “luvei.”
