Osea 10:1-15
10 “E vaini ca* o Isireli, e vuataka na vuana.+
Na levu ga ni vuana, na levu ni icabocabonisoro e cakava.+
Na vuavuaivinaka ga ni nona vanua, na totoka ni nona duru ni sokalou.+
2 E veivakaisini na lomadra,Ia qo ena vakadinadinataki nira cala.
E dua ena talaraka na nodra icabocabonisoro qai vakarusa na nodra duru ni sokalou.
3 Ia qo era na kaya, ‘E sega na noda tui+ nida sega ni rerevaki Jiova.
Na cava ena cakava vei keda na tui?’
4 Era vosa wale, era bubului lasu,+ era veiyalayalati,E tubu kina na lewa me vaka na co gaga ena wenisiviyara ena were.+
5 Era na rerevaka na lewe i Samaria na ivakatakarakara ni luvenibulumakau ni Peciaveni.+
Era na lolositaka na lewenivanua,Kei ira na bete ni kalou tani era rekitaka kei na kena lagilagi,Ni na kau tani vei ira.
6 Ena kau vei Asiria me iloloma vua na tui levu.+
Ena vakamaduataki o Ifireimi,Ena madua o Isireli ena vuku ni lewa e muria.+
7 Ena vakarusai* sara ga o Samaria kei na nona tui,+Me vaka na tabanikau ramusu ena delaniwai.
8 Ena vakarusai+ na vanua cecere e Peciaveni,+ na vu ni nodra ivalavala ca na Isireli.+
Ena tubu ena nodra icabocabonisoro na kau vakavotona kei na soni.+
Era na kaya na tamata ina veiulunivanua, ‘Ubi keimami mai!’
Ina veidelana, ‘Lutuki keimami mai!’+
9 O se valavala ca sara Isireli mai na gauna i Kipea.+
Era tudei mai kea.
E sega ni vakawabokotaki ira na luve ni tawayalododonu na ivalu mai Kipea.
10 Au na totogitaki ira tale ga ena gauna au vinakata kina.
Era na soqoni vata na lewe ni veivanua mera valuti ira,Nira vesu vata kei na rua na nodra cala.*
11 O Ifireimi na bulumakau yalewa vakavulici e taleitaka na butu covuata,Au maroroya na domona rairai vinaka.
Ia qo au na vakavodoka* e dua vei Ifireimi.+
Ena cukicuki o Juta, ena yaro vua o Jekope.
12 Moni kaburaka na sorenikau ni yalododonu, moni tamusuka na dei ni loloma.
Ni cukita na qele vinaka me nomuni,+Ni se vo na gauna moni vakasaqarai Jiova kina,+Ni yaco mai o koya ena vakavulici kemuni ena ka dodonu.+
13 Ia oni cukita na ka ca,Oni tamusuka na ka e sega ni dodonu,+Oni sa kania na vua ni veidabui,Ni oni nuitaki kemuni ga,Nira lewe levu na nomuni tamataivalu.
14 Ena tubu na ue vei ira na nomuni tamata,Ena vakarusai kece na nomuni veikoro vakabai,+Me vaka ga na nona vakarusa o Salimani* na vale mai Aripili,Ena siga ni ivalu nira seleseleti na tinanigone kei na luvedra.
15 Qo na ka ena caka vei kemuni Peceli,+ ena torosobu ni nomuni ivalavala.
Ena vakamatei* sara ga na tui Isireli ena kida ni mataka.”+
iVakamacala e ra
^ Se rawa ni, “teba.”
^ Ipe., “vagalui.”
^ Oya nira cola na kedra itotogi me vaka na ivua.
^ Se “taqara e domona na ivua.”
^ Dau nanumi tu ni yaca na Salimani e ivakaleka ni “Salimanisa,” de dua e vakaibalebaletaki vei Salimanisa na iKalima.
^ Ipe., “vagalui.”
