Osea 11:1-12
11 “Ni se cauravou o Isireli, au a lomani koya,+Au kacivi luvequ mai Ijipita.+
2 Na levu ga ni nodra* kacivi ira,Na levu tale ga ni nodra gole tani vei ira.+
Era vakacaboisoro tiko ga ina ivakatakarakara kei Peali,+Era cabora na isoro kubou ina ivakatakarakara ceuti.+
3 Ia o yau ga au tuberi Ifireimi me vakavuvuli lako,+ au roqoti ira e ligaqu,+Era sega ga ni kauaitaka niu a vakabulai ira.
4 Au tuberi ira tiko ga ena dali ni tamata,* ena ivau ni loloma,+Au vaka e dua e laveta tani tiko na ivua mai galegaledra,Au solia vakamalua vei ira yadua na kedra.
5 Era na sega ni suka ina vanua o Ijipita, ia ena nodra tui o Asiria,+Nira bese ni lesu mai vei au.+
6 Ena cocowiriwiri e dua na iseleiwau ena nona veikoro,+Me muduka na nona ivakadei qai mokuti ira ena vuku ni nodra inakinaki.+
7 Era gu na noqu tamata mera tawayalodina vei au.+
Era kacivi ira mera lako cake,* e sega ni dua e tucake.
8 Au na vakanadakui iko rawa vakacava Ifireimi?+
Au na soli iko rawa vakacava Isireli?
Au na cakava rawa vakacava mo tautauvata kei Atima?
Au na vakayacora rawa vakacava vei iko na ka au cakava vei Sepoimi?+
Sa veisau na lomaqu,E tubu tale ga na noqu loloma.+
9 Au na sega ni vakaraitaka na noqu cudru waqawaqa.
Au na sega ni vakarusai Ifireimi tale,+Niu Kalou au sega ni tamata,O yau na Yalosavasava ena kemuni maliwa,Au na sega ni lako yani ena cudru levu.
10 Era na muri Jiova, ena tagi me vaka na laione,+Ni tagi o koya, era na lako sautaninini mai na luvena mai na ra.+
11 Era na sautaninini me vaka na manumanuvuka nira biuti Ijipita mai,Me vaka na ruve mai na vanua o Asiria,+Au na vakatikori ira ena nodra vale,” e kaya o Jiova.+
12 “E viribaiti au o Ifireimi ena lasu,Kei na vuvale ni Isireli ena veidabui.+
Ia o Juta se lako vata tiko kei na Kalou,E yalodina o koya vua na Yalosavasava sara.”+
iVakamacala e ra
^ Oya o ira na parofita kei na so tale era talai mera vakavulici Isireli.
^ Se “dali ni yalololoma,” me vaka na nona na itubutubu.
^ Oya ina ivakatagedegede cecere ni sokalou.
