Osea 12:1-14
12 “E kana cagi tiko o Ifireimi.
E cicimuria tiko na cagi na tokalau ena siga taucoko.
E levu na nona lasu kei na vakacaca.
Era veiyalayalati kei Asiria,+ era kau waiwai i Ijipita.+
2 Ena veilewaitaki Juta o Jiova,+Ena tarogi Jekope me vaka na nona ivalavala,Ena sauma vua o koya me vaka na ka e cakava.+
3 E vesuka o koya na bukubukuniyava i tuakana ena loma ni katonigone,+Ena nona igu erau veimulomulo kei na Kalou.+
4 E veimulomulo tiko ga kei na agilosi mani qaqa.
E tagi qai vakamamasu vua me vakacegui koya.”+
E kunei koya na Kalou e Peceli qai vosa vei keda mai kea,+
5 O Jiova na Kalou ni lewe vuqa,*+O Jiova na yaca e dau nanumi kina.+
6 “Mo lesu gona vua na nomu Kalou,+Me dei tiko ga nomu loloma kei na lewadodonu,+Mo nuitaka tiko ga na nomu Kalou.
7 Ia na ivakarau bibi ni veidabui e tiko e ligana na dauveivoli,E taleitaka me lawaki.+
8 E tukuna tiko ga o Ifireimi, ‘Au sa vutuniyau dina,+Au sa kunea na iyau.+
Ena ka kece au bunoca, era na sega ni raica e dua na cala se ivalavala ca.’
9 Ia o yau o Jiova na nomu Kalou mai na vanua o Ijipita.+
Au na vakatikori iko tale ena valelacaMe vaka ena gauna lokuci.*
10 Au a vosa vei ira na parofita,+Au vakalevutaka na nodra raivotu,Au vosa vakatautauvata ena gusudra na parofita.
11 Era dauveidabui+ mai Kiliati, era dau lasulasu.
Era cabora mai Kilikali na bulumakau tagane,+Na nodra icabocabonisoro e vaka na ibinibini vatu ena wenisiviyara ena were.+
12 E dro o Jekope ina vanua o Arame,*+E veiqaravi e kea o Isireli+ me dua kina na watina,+E vakatawa sipi me rawata na watina.+
13 E kauti Isireli cake mai Ijipita o Jiova ni vakayagataka e dua na parofita,+E taqomaki koya tale ga e dua na parofita.+
14 E vakavucudru vakalevu o Ifireimi,+Ena beitaki ga ena nona vakadavedra,Ena sauma vua na nona Turaga na nona veibeci.”+
