Osea 4:1-19
4 Moni rogoca na vosa i Jiova o kemuni na lewe i Isireli,Ni na veilewaitaki kemuni na lewenivanua o Jiova,+Ni sega ena vanua qo na dina, se dei ni loloma, se kila na Kalou.+
2 Na bubului lasu kei na vosa lasu+ kei na laba,+Na butako kei na veibutakoci+ e takalevu,E veitaravi na vakadavedra.+
3 Oya na vuna ena lolosi kina na vanua,+Era na malumalumu kece na lewenivanua,Na manumanu kila ni vanua, na manumanuvuka ni lomalagi,Na ika mada ga ni waitui era na mate.
4 “Ia me kua ni dua e saqata se vunauca,+Ni vakataki ira era saqata na bete o ira na nomu tamata.+
5 O koya gona o na tarabe ena sigalevu tutu,Ena tarabe vata kei iko na parofita me vaka ga ena bogi.
Au na qai vagaluya* na tinamu.
6 Era na vagalui* na noqu tamata, nira sega ni kilai au.
Ni oni sega ni via kilai au,+Au na cata tale ga moni veiqaravi vakabete vei au,Ni oni guilecava na lawa* ni nomuni Kalou,+Au na guilecavi ira sara ga na luvemuni.
7 Nira tubu mera lewe levu, e tubu tale ga nodra ivalavala ca vei au.+
Au na vukica na nodra lagilagi me madua.*
8 Era kania na ivalavala ca ni noqu tamata,Era kocova tiko ga nodra cakacala.
9 Ena yacovi ira na lewenivanua na ka vata ga e yacovi ira na bete,Au na taroga vei ira na nodra ivalavala,Au na sauma vei ira na ca ni nodra ivalavala.+
10 Era na kana ia era na sega ni mamau.+
Era na veibutakoci vakaveitalia,* ia ena sega ni tubu na kedra iwiliwili,+Nira sega ni dokai Jiova.
11 Na saqamua,* na waini, kei na waini vouE vakaseva na inaki ni kena vakayacori na ka vinaka.*+
12 Era taroga na noqu tamata na nodra matakau kau,Era cakava na ka e tukuna vei ira na nodra ititoko,Ni vakasesei ira na yalo ni saqamua,*Ena vuku ni nodra saqamua era sega ni via vakarorogo vua na nodra Kalou.
13 Era vakacaboisoro ena dela ni veiulunivanua,+Era vakama na isoro ena veidelana,Ena ruku ni vunioki kei na vunisitoreki kei na vunikau lelevu,+Ni rugurugua vinaka.
Qori na vuna era saqamua* kina na luvemuni yalewaRa qai veibutakoci na vugomuni yalewa.
14 Au na sega ni tarogi ira na luvemuni yalewa nira saqamua,*Kei ira na vugomuni yalewa nira veibutakoci.
O ira na tagane era lako vakatikitiki kei ira na saqamua,Era vakacaboisoro kei ira na saqamua ni valenisoro,O ira na tamata sega ni yalomatua+ va qori era na rusa.
15 Ia ni oni saqamua tiko Isireli,+Me kua ni cala kina o Juta,+Moni kua ni lako i Kilikali+ se i Peciaveni,+Moni kua ni bubului, ‘Me vaka ni bula dina tiko o Jiova!’+
16 Me vaka na bulumakau dau be, era be tale ga na Isireli.+
Ia qo ena vakatawani ira o Jiova me vaka e dua na luvenisipi tagane ena vanua veico?*
17 E kabiti ira na matakau o Ifireimi.+
Biuti koya ga!
18 Ni sa oti na medra bia,*Era veibutakoci vakaveitalia.*
O ira na nona turaga* era taleitaka vakalevu na ka vakamadua.+
19 Na cagi ena ologi koya* e tabana,Era na maduataka na nodra isoro.”
iVakamacala e ra
^ Se “vakarusa.”
^ Se “ivakavuvuli.”
^ Se “vakarusai.”
^ Se rawa ni, “Era vukica noqu lagilagi me madua.”
^ Se “torosobu nodra ivalavala, saqamua.”
^ Ipe., “kauta vakatani na loma ni tamata.”
^ Se “veibutakoci.”
^ Se “veibutakoci.”
^ Se “veibutakoci.”
^ Se “veibutakoci.”
^ Ipe., “vanua vakacirigalala?”
^ Se “bia caka ena witi.”
^ Se “torosobu nodra ivalavala, saqamua.”
^ Ipe., “isasabai.”
^ Se “kauti koya tani.”
