Osea 5:1-15
-
Lewai o Ifireimi kei Juta (1-15)
5 “Moni rogoca qo na bete,+Ni vakarorogo na vuvale ni Isireli,Ni vakatudaliga na vuvale ni tui,Ni baleti kemuni na veilewai qo,Ni oni vaka na icori vei MisipaKei na lawa e tevuki e Tepori.+
2 Sa sivia na nodra veivakamatei na vukitani,Au vunauci ira kece.
3 Au kilai Ifireimi,O Isireli e sega ni vunitaki vei au.
Ia qo o iko Ifireimi, o sa veibutakoci vakaveitalia,*E vakadukadukalitaki koya o Isireli.+
4 Era sega ni lesu rawa vua na Kalou ena vuku ni nodra ivalavala,Ni tiko vei ira na yalo ni saqamua,*+Era sega ni kilai Jiova.
5 E tukuni Isireli ga na nona viavialevu,+E vakatarabetaki Isireli kei Ifireimi na nodrau cakacala,E tarabe vata kei rau o Juta.+
6 Era lako vata kei na nodra qelenisipi kei na nodra qelenibulumakau mera vakasaqarai JiovaIa era sega ni kunei koya.
Ni sa lako tani vei ira o koya.+
7 Era vakaisini Jiova,+Nira tama ni gone tani.
Ena dua ga na vula era na vakarusai vata kina kei na nodra ivotavota.*
8 Ni uvuca na davui*+ mai Kipea, na biukila mai Rama!+
Ni kailavaka na ibolenivalu e Peciaveni,+ keimami sa muri yani Penijamini!
9 Isa Ifireimi, ena kidroataki na ka ena yacovi iko ena siga ni veitotogitaki.+
Au sa tukuna na ka dina ena yaco vei ira na yavusa e Isireli.
10 O ira na turaga ni Juta era vakataki ira na tosoya na iyalayala.+
Au na sovaraka vei ira na noqu cudru levu me vaka na wai.
11 E vakasaurarataki o Ifireimi, e vurumemea ena veilewai,Ni lewa o koya me muri ira na kena meca.+
12 Ia au vaka na sarasara vei Ifireimi,Kei na manumanu lailai dauvakacaca ena vuvale i Juta.
13 Ni raica o Ifireimi na kena mate, kei Juta na nona bo,E lako sara o Ifireimi i Asiria+ me talatala vua na tui levu.*
Ia e sega ni vakabulai kemuni rawa o koya,E sega ni walia rawa o koya na nomuni bo.
14 Au na vaka na luvenilaione vei Ifireimi,Kei na laione kaukaua* ina vuvale i Juta.
Au na basubasuraka sara ga au qai lako yani,+Au na kauti ira, ena sega ni dua ena vakabulai ira.+
15 Au na lako, au na lesu ina noqu vanua me sauti ira mada na ca ni nodra ivalavala,Era na qara na noqu veitokoni.*+
Nira rarawa, era na qai vakasaqarai au.”+
iVakamacala e ra
^ Se “torosobu nomu ivalavala, saqamua.”
^ Se “veibutakoci.”
^ Se “qele.”
^ Ipe., “ileu.”
^ Se “Tui Jerepi.”
^ Se “luvenilaione kaukaua.”
^ Ipe., “na mataqu.”
