Osea 6:1-11
6 “Moni lako mai meda lesu vei Jiova,Ni basubasuraki keda o koya,+ ia ena vakabulai keda.
E vakamavoataki keda ia ena vadretitaka na noda mavoa.
2 Ena vakabulai keda ni oti e rua na siga.
Ena vakaturi keda ena ikatolu ni siga,Eda na bula e matana.
3 Eda na kilai Jiova, eda na guta meda kilai koya.
Ena lako dina yani o koya me vaka na kida ni mataka,Ena lako mai vei keda me vaka na tau ni uca,Me vaka na uca ni vulaitubutubu e vakasuasuataka na vuravura.”
4 “Na cava meu cakava vei iko Ifireimi?
Na cava meu cakava vei iko Juta?
Ni vaka na o ni mataka na dei ni nomuni loloma,E vaka na tegu e seavu totolo yani.
5 Qori na vuna au na tamusuki ira kina niu vakayagataki ira na parofita,+Au na vakamatei ira ena vosa ni gusuqu.+
Na lewa ena tau vei iko ena serau me vaka na rarama.+
6 Niu vinakata na dei ni loloma,* sega ni vakacaboisoro,Kei na kila na Kalou, sega ni isoro kama taucoko.+
7 Ia era vakataki ira ga na tamata era beca na veiyalayalati.+
Era vakaisini au mai kea.
8 O Kiliati e nodra tauni na daucaka ca,+E robota na weniyavadra na vakadavedra.+
9 Na ilala bete e vaka na ilala daukabakoro e waraka lo e dua.
Era laba ena sala e Sikemi,+Ni vakamadua na nodra ivalavala.
10 Au raica e dua na ka velavela ena vuvale ni Isireli.
E saqamua e kea o Ifireimi,+E vakadukadukalitaki koya o Isireli.+
11 O iko tale ga Juta, sa loku tu na gauna mo tamusuki kina,Niu na kauti ira lesu mai na noqu tamata era kau vakavesu.”+
iVakamacala e ra
^ Se “yalololoma.”
