Osea 8:1-14
8 “Biuta na davui* e gusumu!+
E lako mai e dua e vaka na ikeli me vakacacana na vale i Jiova,+Nira beca na noqu veiyalayalati+ ra qai talaidredre ina noqu lawa.+
2 Era tagici au, ‘Kemuni na neimami Kalou, o keimami na Isireli keimami kilai kemuni!’+
3 Sa biuta na ka vinaka o Isireli.+
Me cicimuri koya na meca.
4 Era lesia eso na tui ia e sega ni vu vei au.
Era lesia eso na turaga ia au sega ni kilai ira.
Era bulia na matakau ena nodra siliva kei na nodra koula,+Mera rusa ga kina.+
5 Sa biu na nomu luvenibulumakau, Samaria.+
Sa waqa vei ira na noqu cudru.+
Me vakacava na dede ni nodra sega ni savasava?
6 Ni tekivu mai Isireli na ka qo.
E cakava na matai, e sega ni Kalou,Ena vorovorolaki na luvenibulumakau ni Samaria.
7 Era kaburaka tiko na cagi,Era na tamusuka na cagi kaukaua.+
Sa sega ni vuataka na tolo ni covuata na vuana matua,+Na ka e tubu e sega ni rawa kina na falawa.
Ke vua mada ga, era na tiloma na vulagi.*+
8 Sa tilomi o Isireli.+
Era vakataki ira ga na veimatanitu,+Me vaka na iyaya e sega ni taleitaki.
9 Era lako cake i Asiria+ me vaka na asa kila galili.
Ia o Ifireimi e saumi ira na nona itau.+
10 Era saumi ira mai na veimatanitu,Ia qo au na soqoni ira vata,Era na rarawa mada+ ena icolacola e lavaka na tui kei ira na turaga.
11 Ni vakalevutaka o Ifireimi na nona icabocabonisoro me valavala ca kina.+
Era nona icabocabonisoro me valavala ca kina.+
12 Au vola vua e levu na ka ena noqu lawa,*Ia e nanumi ga ni ka tani.+
13 Era cabora vei au na isoro ra qai kania na lewe ni manumanu,E sega ni taleitaki ira o Jiova.+
Ia qo ena nanuma o koya na nodra cala me totogitaki ira ena nodra ivalavala ca.+
Era sa suka* vei Ijipita.+
14 Sa guilecava o Isireli na Dauveibuli+ e buli koya, sa tara burekalou,+E vakalevutaka o Juta na nona veikoro vakabai.+
Ia au na biuta na bukawaqa ena nona koro,Ena yameca yadua na nodra valececere.”+
