Osea 9:1-17
9 “Mo kua ni marau vakalevu, Isireli,+Mo kua ni malaude me vakataki ira na lewe ni veivanua.
O sa biuta na nomu Kalou ena nomu saqamua.*+
O taleitaka na isau ni saqamua ena rara ni butu covuata kece.+
2 Ia na rara ni butu covuata kei na ikeliniwaini ena sega ni vakani ira,Ena sega ni yaga vua na waini vou.+
3 Era na sega ni tiko ga ena vanua nei Jiova,+Ia ena lesu i Ijipita o Ifireimi,Era na kania na ka dukadukali e Asiria.+
4 Era na sega ni livia tale na isoro waini vei Jiova,+Ena sega ni marautaka o koya na nodra isoro.+
E vaka ga na madrai ni lolosi,Era na dukadukali kina o ira kece era kania.
Na kedra madrai ena kedra ga,Ena sega ni kau ina vale i Jiova.
5 Na cava oni na cakava ena siga ni soqoni,*Ena siga ni soqo vei Jiova?
6 Raica! era na dro ena vuku ni veivakarusai.+
Ena kumuni ira vata o Ijipita,+ ena buluti ira o Memifise.+
Ena taukena na salato na nodra iyau siliva mareqeti,Ena tiko na soni ena loma ni nodra valelaca.
7 Ena yaco mai na gauna ni veitarogi,+Ena yaco mai na gauna ni veisausaumi.
Ena kila o Isireli.
Ena matavakalialia na nodra parofita, ena cudru o koya e uqeti me tukuna na ka se bera mai,Ni levu na nomu cala, o na cati vakalevu.”
8 E dau tovata kei na noqu Kalou+ na yadra+ ni Ifireimi.
Ia qo na nodra ivalavala kece na nona parofita+ e vaka na dai ni daubiri dai ni manumanuvuka,Era veicati ena vale ni nona Kalou.
9 Sa qai torosobu ga na nodra ca me vaka ena gauna i Kipea.+
Ena nanuma o koya na nodra cala me sauma na nodra ivalavala ca.+
10 “Au kunei Isireli me vaka na vuanivaini ena vanua talasiga.+
Au raici ira na tukamuni me vaka na isevu ni vuanilolo taumada ena vunilolo.
Ia era lako vei Peali ni Piori,+Era yalataki ira ina ka vakamadua,*+
Era vakasisila kina me vaka na ka era domona.
11 E vuka tani na lagilagi nei Ifireimi me vaka na manumanuvuka,Ena sega na vakasucu, sega na bukete, sega na kunekune.+
12 Ke ra susu gone mada ga,Au na kauti ira tani me sega ni vo e dua na tamata,+Io, era na rarawa niu vakanadakui ira!+
13 Au raici Ifireimi ni tei toka ena veico me vakataki Taia,+Ia qo me kauti ira na luvena o Ifireimi mera vakamatei.”
14 Moni solia vei ira kemuni Jiova na ka e dodonu moni solia vei ira,Na katonigone e vakalutugone kei na sucu maca.*
15 “E vu mai Kilikali na nodra ivakarau ca kece,+ au cati ira mai kea.
Au na cemuri ira tani mai na noqu vale ni ca na nodra ivalavala.+
Au na sega ni lomani ira tale,+Era murilomadra kece na nodra turaga.
16 Sa lauta o Ifireimi.+
Ena vuca mai na wakadra, era na sega ni vua.
Ke ra vakasucu mada ga, au na vakamatea na luvedra vakamareqeti.”
17 Ena biuti ira na noqu Kalou,Nira sega ni vakarorogo vua,+Era na veidroyaki ina veimatanitu.+
iVakamacala e ra
^ Se “veibutakoci.”
^ Se “ena nomuni soqo lokuci.”
^ Se “na kalou vakamadua.”
^ Se “salulu.”
