Sakaraia 10:1-12
10 “Moni kerea vei Jiova na uca ena gauna ni uca ni vulaitubutubu.
E cakava o Jiova na o ni draki ca,E vakatauca na uca vei ira,+E solia na co ni vanua vua na tamata yadua.
2 Na ivakatakarakara terafimi* e tukuna na ka wale,Era raivotutaka na daurairai na ka lasu.
Era tukuna na tadra tawayaga,E matewale na nodra via veivakacegui.
Oya na vuna era na lako sese kina me vaka na sipi.
Era na rarawa ni sega na ivakatawa.
3 E waqa na noqu cudru vei ira na ivakatawa,Au na totogitaki ira na iliuliu voravora,*Ni o Jiova ni lewe vuqa e golevi ira na nona qelenisipi,+ na vuvale i Juta,E vakayacori ira mera vaka na nona ose totoka ni vala.
4 Ena lako mai vua na turaga,*Ena lako mai vua na iliuliu dauveitokoni,*Ena lako mai vua na dakaititi ni ivalu,Ena lako mai vua na iliuliu yadua ni cakacaka, o ira kece.
5 Era na vaka na tamataivalu,Era buturaka na soso ni gaunisala ena ivalu.
Era na vala, ni tokoni ira o Jiova,+Era na vakamaduataki na dauvodo ose.+
6 Au na vakaukauataka na vuvale i Juta,Au na vakabula na vuvale i Josefa.+
Au na kauti ira lesu mai,Niu na yalololoma vei ira,+Ena vaka ga niu se sega ni biuti ira,+Ni o yau o Jiova na nodra Kalou, au na rogoci ira.
7 Era vaka na tamataivalu qaqa na Ifireimi,Ena marau na lomadra me vaka ga nira gunu waini.+
Nira raica qo na luvedra era na marau,Ena marautaki Jiova vakalevu na lomadra.+
8 ‘Au na kaluvi ira meu soqoni ira vata,Niu na voli ira lesu,+ era na lewe levu,Era na lewe levu tiko ga.
9 Au kaburaki ira me vaka na sorenikau vei ira na lewe ni veivanua,Ia era na nanumi au mai na veivanua yawa,Era na bulabula ra qai lesu mai kei na luvedra.
10 Au na kauti ira lesu mai na vanua o Ijipita,Au na soqoni ira mai Asiria,+Au na kauti ira ina vanua o Kiliati+ kei Lepanoni,Ena sega na vanua me rauti ira.+
11 Ena lakova o koya na wasawasa ni rarawa,Ena mokuta na biau ena loma ni wasawasa,+Ena dicaracara na tikina titobu kece ni Naile,Ena uruci na dokadoka nei Asiria,Ena takali na ititoko vakatui nei Ijipita.+
12 Au na vakaukauataki ira ena vuku i Jiova,+Era na lako voli ena yacana,’+ e kaya o Jiova.”
iVakamacala e ra
^ Se “kalou ni dua na vuvale, matakau.”
^ Ipe., “me tagane.”
^ Ipe., “na valececere ena tutu ni bai,” e dusia e dua na turaga yaga se nuitaki, na iliuliu.
^ Ipe., “na ivako,” e dusia e dua e dau veitokoni, na iliuliu.
