Sakaraia 12:1-14
12 Na itukutuku bibi:
“Na vosa e tukuna o Jiova me baleti Isireli,” e kaya o Jiova,O koya e tevuka na lomalagi,+E tauyavutaki vuravura,+E bulia na icegu ni tamata e lomana.
2 “Au na lesi Jerusalemi me bilo era na tataivatia kina na lewe ni veivanua kece era tu voleka, ena viribaiti o Juta kei Jerusalemi.+
3 Ena siga oya au na cakava me vatu bibi o Jerusalemi vei ira na lewe ni veivanua kece. O ira kece era laveta era na mavoa vakaca,+ era na soqoni vata na veimatanitu kece e vuravura mera valuti koya.+
4 Ena siga oya,” e kaya o Jiova, “Au na vakataqayataka na ose kece, au na yaviti ira na vodoka mera lialia. Au na wanonova tiko ga na vuvale i Juta, ia au na vakamatabokotaka na nodra ose kece na lewe ni veivanua.
5 Era na kaya e lomadra na turaga* ni Juta, ‘Era vakaukauataki au na lewe i Jerusalemi ena vuku i Jiova ni lewe vuqa* na nodra Kalou.’+
6 Ena siga oya au na vakayacori ira na turaga ni Juta me vaka na kuro bukawaqa ena maliwa ni kau kei na cina caucaudre ena dua na iyatu covuata tamusuki,+ ena yameca na lewe ni veivanua kece era tiko voleka ena imatau kei na imawi,+ ena tawa tale o Jerusalemi ena nona itikotiko* mai Jerusalemi.+
7 “Ena vakabula e liu o Jiova na valelaca nei Juta, me kua ni uasivi Juta na totoka ni vuvale nei Tevita kei nodra totoka na lewe i Jerusalemi.
8 Ena siga oya ena taqomaki ira na lewe i Jerusalemi o Jiova,+ o koya e bale* ena siga oya ena kedra maliwa ena vakataki Tevita, ia na vuvale i Tevita ena vaka na Kalou, ena vaka na agilosi i Jiova e liutaki ira.+
9 Ena siga oya au na vakarusa dina na veimatanitu kece era valuti Jerusalemi.+
10 “Au na sova ina vuvale nei Tevita kei ira na lewe i Jerusalemi na yalo ni loloma kei na yalo ni vakamamasu, era na raici koya era suaka,+ era na tagicaki koya me vaka era tagicaka na luvedra duabau, era na osivaki koya me vaka era osivaka na nodra ulumatua.
11 Ena siga oya era na tagi vakalevu e Jerusalemi me vaka na tagi mai Etatirimoni ena Buca o Mekito.+
12 Ena tagilagalaga na vanua, na veivuvale yadua, na vuvale ena mataqali nei Tevita kei na nodra yalewa, na vuvale ena mataqali nei Necani+ kei na nodra yalewa,
13 na vuvale ena mataqali nei Livai+ kei na nodra yalewa, na vuvale nei Semeai+ kei na nodra yalewa,
14 o ira kece na vuvale era vo tiko, na veivuvale yadua kei na nodra yalewa.
iVakamacala e ra
^ Na turaga ni yavusa.
^ Qo na mataivalu vakalomalagi.
^ Se “nona itikotiko dina.”
^ Se “malumalumu sara.”
