Sakaraia 3:1-10
3 E vakaraitaki Josua+ na bete levu vei au o koya ni duri tu ena mata ni agilosi i Jiova, e duri tu ena ligana imatau o Setani+ me vorati koya.
2 E qai tukuna vei Setani na agilosi i Jiova: “Me cudruvi iko mada ga o Jiova, Setani,+ io me cudruvi iko o Jiova, o koya e digitaki Jerusalemi!+ Qo ga na kau kama e kaliraki mai na bukawaqa?”
3 Ia e vakaisulu o Josua ena isulu duka qai duri tu ena mata ni agilosi.
4 E tukuna na agilosi vei ira na duri tu e matana, “Moni luvata na nona isulu duka.” E qai tukuna vua, “Raica, au sa kauta tani na nomu cala, o na vakaisulutaki ena isulu vinaka.”+
5 Au mani kaya: “Me vauci e uluna na ivauniulu savasava.”+ Era vauca sara e uluna na ivauniulu savasava, era vakaisulutaki koya tale ga ni duri voleka tu na agilosi i Jiova.
6 E qai tukuna vei Josua na agilosi i Jiova:
7 “Qo na ka e tukuna o Jiova ni lewe vuqa,* ‘Ke o na muria na noqu ivalavala, mo qarava na nomu itavi e mataqu, o na qai lewa na noqu vale+ mo qarava* na noqu raranivale, au na vakarawarawataka mo torovi ira na duri tu qo.’
8 “‘Yalovinaka Josua na Bete Levu, mo rogoca o iko kei ira na nomu itokani era dabe tiko e matamu, ni o ira na tamata qo era ivakatakilakila, raica! au sa kauta mai na noqu dauveiqaravi+ o Sulina!+
9 Raica na vatu au biuta e mata i Josua! Ena dua na vatu e vitu na matana, au sa ceuta kina e dua na vosa,’ e kaya o Jiova ni lewe vuqa, ‘au na kauta tani na cala ni vanua qori ena dua ga na siga.’+
10 “‘Ena siga oya,’ e kaya o Jiova ni lewe vuqa, ‘oni na dui sureta na wekamuni mera lako mai ina ruku ni nomuni vaini kei na ruku ni nomuni vunilolo.’”+
