Same 10:1-18
ל [Lameta]
10 I Jiova, na cava oni duri tu kina vakayawa?
Na cava oni vunitaki kemuni kina ena gauna ni leqa?+
2 Na daucaka ca e cemuria na vakaloloma ena dokadoka,+Ia ena tobo tale ena vere e bukia.+
3 Ni raqataka na nona gagadre ca na daucaka ca+Qai vosa vakalougatataki koya e kocokoco,נ [Nuni]
E beci Jiova.
4 Ena nona viaviaturaga na daucaka ca, e sega kina ni vaqara na Kalou,E nona nanuma kece: “E sega na Kalou.”+
5 E rawaka tiko ga ena nona sala,+Ia na nomuni lewa e uasivia na nona kila,+E vakalialiai ira kece na kena meca.
6 E kaya e lomana: “Au na sega vakadua ni yavalati,*Au na sega vakadua ni raica na leqa levu+Mai na dua na itabatamata ina dua tale na itabatamata.”
פ [Pe]
7 E sinai e gusuna na vosaca, na lasu, kei na veivakarerei.+
E tu e ruku ni yamena na leqa kei na veivakamavoataki.+
8 E vuni tiko me namaka na meca volekata na itikotiko,Mai na nona ivunivuni e vakamatei koya e tawacala.+
ע [Ayini]
E vakararai tiko na matana ena vuku i koya e vakaleqai.+
9 E wawa tiko ena nona ivunivuni me vaka na laione ena nona qara.*+
E wawa tiko me toboki koya e vakaloloma,E toboki koya e vakaloloma ni dre na nona lawa me sogota.+
10 O koya e vakaleqai e bibivoro qai vakalolovirataki,Era bale i ligana* na vakaloloma.
11 E kaya e lomana: “Sa guilecava na Kalou.+
Sa vagolea tani na matana.
E sega sara ga ni kauai.”+
ק [Kofa]
12 I Jiova, ni tucake.+ Kemuni na Kalou, ni laveta na ligamuni.+
Ni kua ni guilecavi ira na vakaloloma.+
13 Na cava e sega kina ni doka na Kalou na daucaka ca?
E kaya e lomana: “Oni na sega ni cudruvi au.”
ר [Resi]
14 Ia oni raica na rarawa kei na leqa.
Oni raica, ni qai cakava kina e dua na ka.+
E vakanuinui tu vei kemuni o koya e kalouca,+Oni dauvukea na gone e sega ni vakatamani.*+
ש [Sini]
15 Musuka na liga ni daucaka ca kei na tamata ca,+Ni o vakasaqara na nona itovo ca,O na sega ni kunea tale.
16 E Tui tawamudu o Jiova, io e tawamudu.+
Era kawaboko na veimatanitu mai vuravura.+
ת [Tau]
17 I Jiova, oni na rogoca na nodra kerekere na yalomalua.+
Oni na vakataudeitaka na lomadra,+ oni na kauaitaki ira sara ga.+
18 Oni na vakaraitaka na lewadodonu vei ira na sega ni vakatamani kei ira na bibivoro,+Me kua tale ni vakarerei ira tiko na tamata e vuravura.+
iVakamacala e ra
^ Se “sega vakadua ni tataivatia (taceba).”
^ Se “ena veikau lalai.”
^ Se “itaukuku kaukaua.”
^ Se “na luveniyali.”
