Same 138:1-8
Na Same i Tevita.
138 Au na vakacaucautaki kemuni ena lomaqu taucoko.+
Ena matadra na kalou tani,Au na sere ena vakacaucau.*
2 Au na cuva ina nomuni valenisoro tabu,*+Au na qai vakacaucautaka na yacamuni+Ena vuku ni nomuni loloma e dei kei na nomuni yalodina.
Ni oni vakacerecerea na nomuni vosa kei na yacamuni me uasivia na ka kece.*
3 Oni rogoci au+ ena siga au kaci yani kina,Oni vakavuna meu yaloqaqa qai kaukaua.+
4 Kemuni Jiova, era na vakacaucautaki kemuni na tui kece kei vuravura,+Nira na rogoca na nomuni yalayala.
5 Era na seretaka na ivalavala i Jiova,Ni cecere na lagilagi i Jiova.+
6 E cecere o Jiova, e dau kauaitaki ira na yalomalumalumu,+Ia e yawaki ira na qaciqacia.+
7 Niu taubale mada ga ena maliwa ni veika rerevaki, oni na vakabulai.+
Oni dodoka yani na ligamuni nira cudru na kequ meca,Na ligamuni imatau ena vakabulai au.
8 Ena vakacavara o Jiova na ka kece ena vukuqu.
Kemuni Jiova, e tawamudu na dei ni nomuni loloma,+Kua ni biuta na cakacaka ni ligamuni.+
iVakamacala e ra
^ Se rawa ni, “Mera saqati na kalou tani, au na vakatagi vei kemuni.”
^ Se “nomuni tikina tabu.”
^ Se rawa ni, “Ni oni sa vakacerecerea na nomuni vosa me uasivia kece na yacamuni.”
