Same 146:1-10
146 Ni vakacaucautaki Ja!*+
Me vakacaucautaki Jiova na yagoqu taucoko.+
2 Au na vakacaucautaki Jiova ena noqu bula taucoko.
Au na sere ena vakacaucau* vua noqu Kalou ena gauna kece ni noqu bula.
3 Kua ni nuitaki ira na turagaSe dua na luve ni tamata, nira sega ni kauta mai na veivakabulai.+
4 Sa lako tani nona icegu, sa lesu o koya ina qele,+Sa takali na nona vakanananu ena siga oya.+
5 E marau na tamata e vukei koya na Kalou i Jekope,+E nona inuinui o Jiova na nona Kalou,+
6 Na Dauveibuli ni lomalagi kei vuravura,Na wasawasa, kei na ka kece e tu kina,+E dau yalodina tu ga o koya,+
7 E vakadeitaka na lewadodonu vei ira na dabuitaki,E solia na madrai vei ira na walokai.+
E sereki ira na kaivesu o Jiova.*+
8 E dolava na matadra na mataboko o Jiova,+E vakaduri ira cake na lolou tu o Jiova,+E dau lomani ira na yalododonu o Jiova.
9 E taqomaki ira na tiko vulagi o Jiova,E karona na gone e sega ni vakatamani kei na yada,+Ia e vakaseva na lalawa ni daucaka ca.*+
10 Ena Tui me tawamudu o Jiova,+Na nomu Kalou, i Saioni, mai na dua na itabatamata ina dua tale na itabatamata.
Vakacaucautaki Ja!*
iVakamacala e ra
^ Se “Aleluya!” Na “Ja” na ivakaleka ni yaca Jiova.
^ Se “Au na vakatagi.”
^ Ipe., “ira na vesuki tu.”
^ Se “Ia e vakavevea na nodra sala na daucaka ca.”
^ Se “Aleluya!” Na “Ja” na ivakaleka ni yaca Jiova.
