Same 148:1-14
148 Vakacaucautaki Ja!*
Vakacaucautaki Jiova kemuni mai lomalagi,+Vakacaucautaki koya ena vanua cecere.
2 Vakacaucautaki koya, na nona agilosi kece.+
Vakacaucautaki koya, na nona mataivalu kece.+
3 Vakacaucautaki koya, na matanisiga kei na vula.
Vakacaucautaki koya, na kalokalo serau kece.+
4 Vakacaucautaki koya, na lomalagi cecere duadua*Kei na wai e dela i lomalagi.
5 Mera vakacaucautaka na yaca i Jiova,Nira buli ena nona ivakaro.+
6 E vakataudeitaki ira o koya me tawamudu, io me tawamudu,+Sa tauca o koya e dua na lawa ena sega ni takali yani.+
7 Vakacaucautaki Jiova mai vuravura,Kemuni na manumanu vakaitamera ni wasawasa kei na wai titobu kece,
8 Na liva kei na ucaqereqere, na ucacevata kei na o vavaku,Na cagi kaukaua, e vakayacora tiko na nona vosa,+
9 Na veiulunivanua kei na veidelana kece,+Na kauvuata kei na sitari kece,+
10 Na manumanu kila+ kei na manumanu susu kece,Na veika e qasi kei na manumanuvuka,
11 Kemuni na tui kei vuravura kei kemuni kece na veimatanitu,Kemuni na turaga kei kemuni kece na turaganilewa kei vuravura,+
12 Kemuni na cauravou kei kemuni na goneyalewa,*Na qase kei na gone.
13 Mera vakacaucautaka na yaca i Jiova,Ni yacana duadua ga e sega ni yacovi rawa na kena cecere.+
Na nona lagilagi e uasivia na vuravura kei na lomalagi.+
14 Ena vakalevutaka na nodra kaukaua* na nona tamata,Mera vakacaucautaki kece kina na nona yalodina,O ira na luvei Isireli, na tamata era volekati koya.
Vakacaucautaki Ja!*
iVakamacala e ra
^ Se “Aleluya!” Na “Ja” na ivakaleka ni yaca Jiova.
^ Ipe., “na lomalagi ni veilomalagi.”
^ Ipe., “kei ira na se sega ni taratagane.”
^ Ipe., “ileu.”
^ Se “Aleluya!” Na “Ja” na ivakaleka ni yaca Jiova.
